សាខាទួលគោកទទួលបានការិយាល័យបន្ថែមដើម្បីបម្រើអតិថិជន
13/Dec/2018
ដោយសង្កេតឃើញពីការកើនឡើងជាបន្តបន្ទាប់នៃចំនួនអតិថិជន ធនាគារ ABA ថ្ងៃនេះ សូមប្រកាសបើកជាផ្លូវការ សាខាទួលគោក 2 ដើម្បីបំពេញតម្រូវការកើនឡើងខ្ពស់នៅក្នុងតំបន់នេះ។ ដោយមានទីតាំងនៅទល់មុខសាខាទួល គោកដែលមានស្រាប់ សាខាបន្ថែមនេះនឹងជួយផ្តល់សេវាធនាគារឲ្យបានកាន់តែល្អបន្ថែមទៀតដល់អតិថិជននៅទីនោះ។
“នៅធនាគារ ABA យើងពិចារណាខ្ពស់បំផុតពីគុណភាពនៃសេវាកម្មរបស់យើង ព្រោះវាជាគុណតម្លៃមួយក្នុងចំណោមគុណតម្លៃរបស់យើងទាំងអស់។ ហេតុដូច្នេះហើយ វាសំខាន់ខ្លាំងណាស់សម្រាប់យើងក្នុងការបន្តពង្រីកបណ្តាញរបស់យើង ដើម្បីឆ្លើយតបទៅនឹងការកើនឡើងនៃតម្រូវការសេវារបស់យើងបែបនេះ បន្ថែមទៅនឹងការផ្តួចផ្តើមរបស់យើង ដើម្បីផ្តល់សេវាឲ្យបានគ្រប់គ្រាន់ (ដូចជា ការបន្ថែមម៉ោងធ្វើការ) និងដើម្បីរក្សាទំនាក់ទំនងជាប់ជាមួយអតិថិជនរបស់យើង 24/7” នេះបើតាមប្រសាសន៍របស់លោក ម៉ី ប៉ុលីន នាយកផ្នែកអភិវឌ្ឍអាជីវកម្មរបស់ធនាគារ ABA។
ចាប់ពីពេលនេះតទៅ អ្នករស់នៅក្នុងតំបន់ទួលគោកអាចទទួលបានសេវាធនាគារដែលមានគុណភាពរបស់ ABA រវាងអគារទាំងពីរ ជាមួយនឹងការចូលប្រើគណនីរបស់ពួកគេ 24/7 តាមរយៈម៉ាស៊ីន ATM ចំនួន 7 និងម៉ាស៊ីនដាក់ប្រាក់ចំនួន 10 នៅទីនោះ។
សាខាទួលគោកទាំងពីរនេះមានទីតាំងស្ថិតនៅកែងផ្លូវ 289 និង 516 សង្កាត់បឹងកក់ទីមួយ ខណ្ឌទួលគោក រាជធានីភ្នំពេញ។ អាចទំនាក់ទំនងបានតាមរយៈលេខ 098 203 859។