បង់ថ្លៃទឹក ភ្លើងតាម ABA Mobile ដោយស្គែន Barcode លើវិក្កយបត្រ!
02/Sep/2021
ធនាគារ ABA បន្តបង្កើនបទពិសោធប្រើប្រាស់សេវាធនាគារតាមទូរស័ព្ទរបស់អតិថិជន ដោយធ្វើការដំឡើងសមត្ថភាពមុខងារទូទាត់វិក្កយបត្រនៅក្នុងកម្មវិធី ABA Mobile។ អតិថិជន អាចបង់ថ្លៃជូន PPWSA និង ថ្លៃភ្លើង EDC បានលឿន និងងាយស្រួល ដោយគ្រាន់តែស្គែន barcode នៅលើវិក្កយបត្ររបស់ខ្លួន ដែលមិនចាំបាច់បញ្ចូលលេខវិក្កយបត្រ/លេខអ្នកប្រើប្រាស់វិក្កយបត្រដូចមុនទៀតឡើយ។
សម្រាប់ការបង់ថ្លៃទឹក អតិថិជនគ្រាន់តែចុចមុខងារ QR លើអេក្រង់ដំបូង រួចស្គែន barcode វិក្កយបត្រ អាចធ្វើការបង់បានស្រេច។ ចំណែកការបង់ថ្លៃភ្លើងដោយស្គែន barcode សូមធ្វើតាមជំហានងាយៗទាំងនេះ៖
- បើកកម្មវិធី ABA Mobile និងចុចលើប៊ូតុង ទូទាត់ប្រាក់
- ចុចប៊ូតុង ទឹកភ្លើង&សំរាម ហើយជ្រើសយក អគ្គិសនី កម្ពុជា EDC
- ជ្រើសរើសគណនីដែលប្រើដើម្បីបង់ និងជ្រើសរើសខេត្ត ឬក្រុងនៃ EDC
- ចុចសញ្ញា ស្គែន barcode
នៅចុងខាងស្ដាំ ត្រង់កន្លែងបំពេញលេខទីតាំងប្រើប្រាស់ចរន្ត - ដាក់កាមេរ៉ាទូរស័ព្ទរបស់អ្នកឲ្យចំ barcode នៃវិក្កយបត្រ1
- ចុចលើប៊ូតុង បង់ឥឡូវ និងបញ្ជាក់ជាមួយលេខសម្ងាត់ (PIN) 4 ខ្ទង់ ជាការស្រេច។
1 លេខទីតាំងប្រើប្រាស់ចរន្ត (Consumer Number) របស់អ្នកនឹងត្រូវបញ្ចូលស្វ័យប្រវត្តិ ហើយបង្ហាញភ្លាមៗ។
ដើម្បីបង់លើកក្រោយៗបានកាន់តែលឿនស្រួល អ្នកក៏អាចបង្កើតគំរូ (Templates) ដោយចុចបើកប៊ូតុងបង្កើតគំរូ។ ជាមួយកម្មវិធី ABA Mobile អ្នកអាចរីករាយពេញលេញជាមួយការទូទាត់បែបឌីជីថលប្រចាំថ្ងៃរបស់អ្នក។ ដើម្បីស្វែងយល់បន្ថែមអំពីកម្មវិធី ABA Mobile សូមចូលទៅកាន់ទីនេះ។
ប្រសិនបើអ្នកមិនទាន់មានគណនី ABA ទេ សូមដោនឡូតកម្មវិធី ABA Mobile ដើម្បី បើកគណនីរហ័ស ដោយខ្លួនឯងតាមទូរស័ព្ទដៃ (ត្រូវមានអត្តសញ្ញាណប័ណ្ណសញ្ជាតិខ្មែរ និងលេខទូរស័ព្ទ) ឬអញ្ជើញទៅបើកនៅសាខា ABA ណាមួយដែលនៅជិតអ្នកនៅថ្ងៃនេះ។
