ABA គាំទ្រព្រឹត្តិការណ៍ជិះកង់របស់មន្ទីរពេទ្យកុមារអង្គរ ដើម្បីជំរុញការថែទាំសុខភាពកុមារដោយឥតគិតថ្លៃ
09/Sep/2025
ធនាគារ ABA មានមោទនភាពបានចូលរួមជាអ្នកឧបត្ថម្ភ Gold Sponsor ក្នុងព្រឹត្តិការណ៍ជិះកង់ដើម្បីបរិស្ថាន និងសុខភាពកុមារ ដែលរៀបចំឡើងដោយមន្ទីរពេទ្យកុមារអង្គរ (AHC) និងគណៈកម្មាការជិះកង់ដើម្បីកម្ពុជា (CFC)។ គំនិតផ្តួចផ្តើមនេះ មានគោលបំណងលើកកម្ពស់ការយល់ដឹងអំពីបរិស្ថាន និងកៀរគរមូលនិធិ សម្រាប់គាំទ្រសេវាថែទាំសុខភាពកុមារ។
ឈានចូលឆ្នាំទី11 ព្រឹត្តិការណ៍នេះ បានរៀបចំឡើងនៅថ្ងៃទី7 ខែកញ្ញា ឆ្នាំ 2025 ក្នុងខេត្តសៀមរាប ដែលបានប្រមូលផ្តុំអ្នកចូលរួមជាច្រើននាក់ ព្រមទាំងបុគ្គលិក ABAផងដែរ។ មូលនិធិដែលទទួលបាន មានសារសំខាន់ចំពោះបេសកកម្មរបស់មន្ទីរពេទ្យកុមារអង្គរ ក្នុងការផ្តល់សេវាថែទាំសុខភាព ដោយឥតគិតថ្លៃរួមមាន ការព្យាបាលជំងឺ និងការពិនិត្យសុខភាព សម្រាប់កុមារទូទាំងប្រទេសកម្ពុជា។
ក្នុងអំឡុងពេលប៉ុន្មានឆ្នាំកន្លងមកនេះ កិច្ចសហការរវាង ABA និងមន្ទីរពេទ្យកុមារអង្គរ បានផ្តោតទៅលើគុណតម្លៃរួម ក្នុងការបង្កើនសុខុមាលភាពកុមារកម្ពុជាជំនាន់ក្រោយឲ្យកាន់តែប្រសើរឡើង។ មិនថាគាំទ្រជាការបរិច្ចាគថវិការប្រចាំឆ្នាំ ឬការចូលរួមយ៉ាងសកម្មរបស់បុគ្គលិកក្នុងរាល់គំនិតផ្តួចផ្តើមរបស់មន្ទីរពេទ្យនោះទេ ABA នៅតែបន្តប្តេជ្ញាចិត្តក្នុងការលើកកម្ពស់សហគមឲ្យរីកចម្រើនប្រកបដោយភាពធន់ និងសុខុមាលភាព។
អ្នកប្រើប្រាស់ ABA Mobile គ្រប់គ្នាៗ ក៏អាចរួមចំណែកក្នុងការជួយដល់កុមារកម្ពុជាបាន តាមរយៈអេបផ្ទាល់ផងដែរ! គ្រាន់ទេចុចប៊ូតុង ទូទាត់ នៅលើអេក្រង់ដើម, ចុចលើពាក្យ សប្បុរសធម៌ & ការបរិច្ចាគ, ជ្រើសរើស មន្ទីរពេទ្យកុមារអង្គរ រួចដាក់ចំនួនទឹកប្រាក់ដែលអ្នកចង់បរិច្ចាគ ជាការស្រេច។
