ABA ត្រូវបានទទួលស្គាល់ជា ធនាគារឆ្នើមបំផុតប្រចាំឆ្នាំ 2025 នៅកម្ពុជា ដោយទស្សនាវដ្ដីហិរញ្ញវត្ថុ The Banker
08/Dec/2025
ABA ដែលជាធនាគារពាណិជ្ជធំជាងគេនៅកម្ពុជា បានទទួលពាន ធនាគារឆ្នើមបំផុតប្រចាំឆ្នាំ 2025 នៅកម្ពុជា ពី The Banker ដែលជាគ្រឹះស្ថានបោះពុម្ពផ្សាយហិរញ្ញវត្ថុអន្តរជាតិរបស់ Financial Times Group (UK)។
ពានរង្វាន់នេះ បានទទួលស្គាល់នូវសមត្ថភាពដ៏រឹងមាំ ឧត្តមភាពនវានុវត្តន៍ និងការរួមចំណែករបស់ ABA ក្នុងការចូលរួមអភិវឌ្ឍសេដ្ឋកិច្ចជាតិប្រកបដោយចីរភាព។
នវានុវត្តន៍ឌីជីថល
ទស្សនាវដ្ដីហិរញ្ញវត្ថុ The Banker បានគូសបញ្ជាក់ចំពោះការរីកចម្រើនជាបន្តបន្ទាប់នៃផលិតផលឯករបស់ធនាគារនោះគឺកម្មវិធី ABA Mobile ដោយបានពង្រឹងជំហរជាថ្មីរបស់ធនាគារ ក្នុងនាមជាស្ថាប័នផ្តល់សេវាធនាគារឌីជីថលឈានមុខគេនៅក្នុងប្រទេស។ មុខងារថ្មីៗដែលបានបញ្ចេញនៅឆ្នាំនេះ រួមមាន មុខងារឆាតក្នុងអេប (ABA In-App Chat) មុខងារសោមុខ (FacePass Secure) មុខងារណាវី ដែលជាជំនួយការបញ្ញានិមិត្ត និងមុខងារវិភាគដ៏ទំនើប បានផ្តល់នូវបទពិសោធសេវា ធនាគារកាន់តែងាយស្រួល សុវត្ថិភាព និងមានលក្ខណៈផ្ទាល់ខ្លួនសម្រាប់អតិថិជនរាប់លាននាក់។ នវានុវត្តន៍ទាំងនេះ មិនត្រឹមតែបង្កើនភាពងាយស្រួលប៉ុណ្ណោះទេ ថែមទាំងបានជួយពង្រឹងទំនុកចិត្ត និងសុវត្ថិភាពនៅក្នុងប្រតិបត្តិការឌីជីថលផងដែរ។
សមត្ថភាពពង្រឹងបន្ថែមទាំងនេះ បានបង្ហាញពីការទទួលយករបស់អតិថិជនយ៉ាងផុសផុល ដោយមានការប្រើប្រាស់យ៉ាងច្រើនសំណាក់អតិថិជន តួយ៉ាង សារជាង200,000 ត្រូវបានចែករំលែក និងឆ្លើយឆ្លងតាម មុខងារឆាត ABA ខណៈអតិថិជនប្រមាណ 430,000 បានប្រើប្រាស់ មុខងារណាវី ក្នុងរយៈពេលពីរខែដំបូងនៃការដាក់ដំណើរការ។
ចំណែកឯ ផ្លែតហ្វមធនាគារឌីជីថលសម្រាប់អាជីវកម្ម ក៏ទទួលកំណើនគួរឲ្យកត់សម្គាល់ផងដែរ ពោលគឺ មានការកើនឡើង 50% លើទំហំប្រតិបត្តិការ ចាប់ពីខែឧសភា ឆ្នាំ 2024 ដល់ខែឧសភា ឆ្នាំ 2025 ដោយឆ្លុះបញ្ចាំងពីកំណើននៃការពឹងផ្អែកលើអេកូស៊ីស្ទែមឌីជីថលរបស់ ABA។
ជាមួយអតិថិជនក្នុងដៃជាង 5 លានទូទាំងប្រទេស ABA Mobile បានបន្តដើរតួនាទីយ៉ាងសំខាន់ជាផ្លែតហ្វមចម្បងសម្រាប់ការចាត់ចែង និងគ្រប់គ្រងហិរញ្ញវត្ថុប្រចាំថ្ងៃរបស់អតិថិជនជារូបវន្ត បុគ្គល និងអាជីវកម្មទូទាំងប្រទេសកម្ពុជា។
ហិរញ្ញប្បទានបៃតង
ជាផ្នែកមួយនៃការប្ដេជ្ញាចិត្តរបស់ខ្លួនចំពោះគោលការណ៍បរិស្ថាន សង្គម និងអភិបាលកិច្ច (ESG) ធនាគារ ABA បានក្លាយជាអ្នកវិនិយោគសញ្ញាបណ្ណបៃតងធំជាងគេនៃសញ្ញាបណ្ណគម្រោងបៃតងដំបូងគេបង្អស់របស់កម្ពុជា ដែលចេញដោយក្រុមហ៊ុនស្នេថេក ដាយណាមិក (SchneiTec Dynamic) ដើម្បីគាំទ្រហេដ្ឋារចនាសម្ពន្ធថាមពលដើរដោយពន្លឺព្រះអាទិត្យ (ថាមពលសូឡា)។ សញ្ញាបណ្ណនេះ នឹងផ្តល់ហិរញ្ញប្បទានដល់រោងចក្រផលិតបន្ទះសូឡា ដែលមានទំហំ 60MW ក្នុងខេត្តកំពង់ឆ្នាំង ដែលរំពឹងថា នឹងទទួលបានថាមពលស្អាតប្រមាណជាង 130GWh ប្រចាំឆ្នាំ។
ការវិនិយោគដ៏សំខាន់នេះ បានបង្ហាញពីការរួមចំណែករបស់ធនាគារ ក្នុងការពន្លឿនការអភិវឌ្ឍប្រកប ដោយចីរភាព និងអនាគតបៃតង។
ការគាំទ្រសហគមន៍មូលដ្ឋាន
គំនិតផ្តួចផ្តើមទំនួលខុសត្រូវសង្គមរបស់ ABA បន្តផ្តោតទៅលើការអប់រំ និងចំណេះដឹងផ្នែកឌីជីថល។ ធនាគារបានសហការជាមួយគម្រោងអាហារូបករណ៍ និងកម្មវិធីអប់រំផ្សេងៗ – រួមមាន សមាគមសិស្ស-និស្សិតអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (AMT) និងមូលនិធិកុមារកម្ពុជា (CCF) – ដើម្បីផ្តល់ឱកាសកាន់តែច្រើនដល់យុវជន។ ABA ក៏បានឧបត្ថម្ភកំព្យូទ័រ ដល់សាលារៀន និងសហគមន៍នានា ដើម្បីជួយឲ្យសិស្សានុសិស្សមានជំនាញឌីជីថលសំខាន់ៗ ដែលពួកគេត្រូវការនៅក្នុងសេដ្ឋកិច្ចដែលរីកចម្រើនទៅមុខយ៉ាងឆាប់រហ័សនៃបច្ចេកវិទ្យា។
សម្លឹងឆ្ពោះទៅមុខ
ការទទួលពានដ៏មានកិត្យានុភាពពីទស្សនាវដ្ដីហិរញ្ញវត្ថុ The Banker ជាលើកទីប្រាំពីរ បញ្ជាក់ជាថ្មីនៃភាពឈានមុខរបស់ធនាគារ ABA លើផ្នែកហិរញ្ញវត្ថុឌីជីថល និងសេវាធនាគារប្រកបដោយទំនួល ខុសត្រូវ។
លោក Askhat Azhikhanov អគ្គនាយក & ជានាយកប្រតិបត្តិ នៃធនាគារ ABA មានប្រសាសន៍ថា “ធនាគារ ABA មានកិត្តិយសយ៉ាងក្រៃលែងដែលត្រូវបានទទួលស្គាល់ឧត្តមភាពពីស្ថាប័នកំពូល The Banker។ ដូចសព្វដង យើងខ្ញុំសូមចែករំលែកកិត្តិនាមនេះដល់អតិថិជនទាំងអស់ - ទំនុកចិត្តរបស់លោកអ្នកគឺជាកម្លាំងចលករ ដែលជំរុញឲ្យធនាគារយើងខ្ញុំបន្ដអភិវឌ្ឍទៅមុខ និងនាំយកអ្វីថ្មីៗជូនលោកអ្នកជានិច្ច”។
លោកក៏បានបន្ថែមថា “ពានរង្វាន់នេះ ជំរុញទឹកចិត្តឲ្យយើងខ្ញុំ បន្តនវានុវត្តន៍ឌីជីថលឲ្យកាន់តែឈានមុខជាលំដាប់ ពង្រឹងកិច្ចខិតខំប្រឹងប្រែងប្រកបដោយចីរភាព និងគាំទ្រសហគមន៍មូលដ្ឋាន ខណៈយើងខ្ញុំជួយកំណត់អនាគតនៃទិដ្ឋភាពសេវាធនាគារនៅកម្ពុជា”។
សម្លឹងឆ្ពោះទៅមុខ ABA នឹងប្តេជ្ញាបន្តលើកកម្ពស់ស្តង់ដារសេវាធនាគារទៅកាន់មួយកម្រិតទៀត បង្កើនលទ្ធភាពទទួលបានសេវាហិរញ្ញវត្ថុ និងគាំទ្រដល់កំណើនសេដ្ឋកិច្ចប្រកបដោយនិរន្ដរភាពនៅ ទូទាំងប្រទេសកម្ពុជា។
អំពីទស្សនាវដ្តី The Banker
The Banker គឺជា ធនធានធនាគារ និងហិរញ្ញវត្ថុពិភពលោក របស់ក្រុមហ៊ុន Financial Times Group ។ ចាប់ផ្តើម បោះពុម្ពផ្សាយនៅក្នុងឆ្នាំ 1929 ទស្សនាវដ្តីបានក្លាយជាប្រភពព័ត៌មាន អំពី វិស័យធនាគារដ៏មានទំនុកចិត្ត និងអានដោយនាយកប្រតិបត្តិ នាយកហិរញ្ញវត្ថុ ហេរញ្ញិក របស់សាជីវកម្ម ទេសភិបាល ធនាគារកណ្តាល និងនិយតករហិរញ្ញវត្ថុនៅជាង 180 ប្រទេសទូទាំងពិភពលោក។
The Banker គឺជាប្រភពដ៏សំខាន់ក្នុងការផ្តល់ទិន្នន័យ និងការវិភាគសម្រាប់វិស័យធនាគារ។ ចំណាត់ថ្នាក់ ធនាគារពិភពលោកកំពូលៗ ចំនួន 1,000 របស់ The Banker ត្រូវបានប្រើប្រាស់ជាស្ដង់ដា តាំងពី ឆ្នាំ 1970 ដោយផ្ដល់ការព័ត៌មានទាក់ទងនឹងទ្រព្យសម្បត្តិ និងស្ថានភាពនៃវិស័យធនាគារគ្រប់ ជ្រុងជ្រោយ ។
