ABA ទទួលបានវិញ្ញាបនបត្រអនុលោមភាពសារពើពន្ធ ប្រភេទ “មាស” មួយទៀតពី អគ្គនាយកដ្ឋានពន្ធដារ
25/Oct/2022
ABA ដែលជាធនាគារពាណិជ្ជធំជាងគេនៅកម្ពុជា1 បានទទួលវិញ្ញាបនបត្រអនុលោមភាពសារពើពន្ធ ប្រភេទ “មាស” ពីអគ្គនាយកដ្ឋានពន្ធដារ (GDT) រយៈពេល 2 ឆ្នាំសម្រាប់ឆ្នាំជាប់ពន្ធ 2023 ដល់ 2024 ដែលជាសមិទ្ធផលនៃការអនុវត្តយ៉ាងខ្ជាប់ខ្ជួនតាមបទប្បញ្ញត្តិពន្ធដាររបស់ប្រទេស ដោយបង់ពន្ធជូនរដ្ឋពេញលេញ ប្រកបដោយតម្លាភាព 100%។
“វិញ្ញាបនបត្រ” បីលើកជាប់គ្នាពី GDT នេះ បានបង្ហាញពីការបន្ដប្ដេជ្ញាចិត្ត និងតម្លាភាពរបស់ ABA ក្នុងអភិបាលកិច្ចពន្ធសាជីវកម្មល្អ តាមរយៈការបំពេញកាតព្វកិច្ចបង់ពន្ធដារជូនរដ្ឋ។
កាលពីខែឧសភា ឆ្នាំ 2022 ធនាគារ ABA បានទទួលលិខិតសរសើរពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលសាទរចំពោះការរួមចំណែករបស់ធនាគារក្នុងការអភិវឌ្ឍសេដ្ឋកិច្ចជាតិ ក្នុងនាមជាធនាគារមួយដែលស្ថិតក្នុងចំណោមសហគ្រាសបង់ពន្ធច្រើនជាងគេទាំងបី ប្រចាំឆ្នាំ 2021។ ឆ្នាំមុន ធនាគារបង់ពន្ធជូនរដ្ឋចំនួន 60 លានដុល្លារអាមេរិក។
1 ABA ជាធនាគារពាណិជ្ជកម្ពុជាដ៏ធំបំផុតគិតលើទ្រព្យសកម្ម, ប្រាក់បញ្ញើ, កម្ចីដុល, ប្រាក់បញ្ញើអតិថិជននិងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 របស់ធនាគារជាតិនៃកម្ពុជា។
