ABA មានមោទនភាពក្នុងការគាំទ្រ ព្រឹត្តិការណ៍ Davis Cup ក្នុងនាមកម្ពុជាជាម្ចាស់ផ្ទះលើកដំបូង
05/Jul/2024
ក្នុងនាមប្រទេសកម្ពុជាជាម្ចាស់ផ្ទះលើកដំបូង នៃព្រឹត្តិការប្រកួតកីឡាវាយកូនបាល់ Davis Cup – Asia/Oceania Group IV ឆ្នាំ ២០២៤ ចាប់ពីថ្ងៃទី ៨ -១៣ ខែកក្កដា ឆ្នាំ ២០២៤ ធនាគារ ABA មានមោទនភាពក្នុងការឧបត្ថមជាទឹកប្រាក់ដល់ សហព័ន្ធកីឡាវាយកូនបាល់កម្ពុជា។ ការប្រកួត ដែលមានរយៈពេល ៦ថ្ងៃ ដែលនឹងប្រព្រឹត្តទៅនៅពហុកីឡាដ្ឋានជាតិមរតកតេជោ - មជ្ឈមណ្ឌលវាយកូនបាល់។
ក្រុមជម្រើសជាតិកម្ពុជា ដឹកនាំដោយលោក ទេព រិទ្ធីវិទ្ធ ដែលជា អគ្គលេខាធិការ សហព័ន្ធកីឡាវាយកូនបាល់កម្ពុជា និងជើងខ្លាំងកំពូលចំនួន៥នាក់ ដោយមានកីឡាករ ប៊ុន កេន្នី, ទេព ទីម៉ូធី, ឡេង សារិនរាជ, ឃ្លាំង ពន្លក កីឡាករ Mathew Crusling។
ការប្រកួតកីឡាវាយកូនបាល់ Davis Cup – Asia/Oceania Group IV មានការចូលរួមពីបណ្តាប្រទេសទាំង ៨ រួមមានម្ចាស់ផ្ទះ កម្ពុជា គុយវ៉ែត កៀហ្ស៊ីស៊ីស្ថាន អ៊ីរ៉ាក់ មីយ៉ាន់ម៉ា ស្រីលង្កា កាតា និងអារ៉ាប់រួម។ ការប្រកួតនឹងប្រព្រឹត្តទៅតាមទម្រង់ តាមទម្រង់ជុំវិលជុំជាមួយនឹងការប្រកួតវាយឯកត្តជន ២ប្រកួត និងការប្រកួតវាយគូ ១ប្រកួត។
លោក Igor Zimarev នាយកទីផ្សារ កិច្ចការ CSR និងលេខាធិការសាជីវកម្មនៃធនាគារ ABA មានប្រសាសន៍ថា៖ “ដោយហេតុដែលកម្ពុជាបានក្លាយជាម្ចាស់ផ្ទះ ធនាគារ ABA មានសេចក្តីរីករាយជាខ្លាំង។ យើងខ្ញុំមានទំនុកចិត្តយ៉ាងមុតមាំដែល ពហុកីឡាដ្ឋានជាតិមរតកតេជោ ជាកន្លែងដ៏សមស្របបំផុតដើម្បីឲ្យអត្តពលិកគ្រប់រូបអាចបញ្ចេញស្នាដែរបស់ពួកគេឲ្យអស់ពីសមត្ថភាព។ យើងខ្ញុំក៏លើកទឹកចិត្តដល់អតិថិជនដែលចូលចិត្តកីឡាវាយកូនបាល់ ចូលរួមទស្សនាការប្រកួត និងផ្តល់ការគាំទ្រដល់កីឡាករកម្ពុជាផងដែរ។”
ព្រឹត្តិការណ៍ Davis Cup គឺជា ព្រឹត្តិការណ៍លំដាប់ពិភពលោកមួយក្នុងកីឡាវាយបាល់សម្រាប់បុរស។ ព្រឹត្តិការណ៍នេះត្រូវ បានរៀបចំដោយ សហព័ន្ធកីឡាវាយកូនបាល់អន្តរជាតិ (ITF) ហើយប្រកួតជារៀងរាល់ឆ្នាំរវាងក្រុមមកពី ១៥០ ប្រទេសផ្សេងៗគ្នា ដែលធ្វើឲ្យជាប់ឈ្មោះជាការប្រកួតកីឡាជាក្រុមធំជាងគេលើពិភពលោក។
