ធនាគារ ABA ដាក់ឲ្យដំណើរការទីតាំង ស្វ័យសេវា 24/7 ថ្មីបំផុតរបស់ខ្លួននៅខេត្តព្រះសីហនុ
11/May/2021
បណ្តាញទីតាំងស្វ័យសេវា ABA 24/7 ពង្រីកបន្ថែមដើម្បីនាំយកទីតាំងស្វ័យសេវាងាយស្រួលឲ្យកាន់តែជិតអតិថិជនរបស់ខ្លួន ហើយឥឡូវនេះ បើកដំណើរការនៅខេត្តព្រះសីហនុ នូវទីតាំងស្វ័យសេវា ABA 24/7 ដំបូងនៅក្រៅរាជធានីភ្នំពេញ។ នេះជាទីតាំងស្វ័យសេវាទីប្រាំបី និងមានទីតាំងយុទ្ធសាស្ត្រនៅច្រកចូលផ្សារទំនើប ហ្វូរី ថាម សឃ្វែរ ខេត្តព្រះសីហនុ។
ដោយយកអត្ថប្រយោជន៍ពីចំណតដ៏ធំទូលាយ និងសន្តិសុខប្រចាំការ 24 ម៉ោងរបស់ផ្សារទំនើបនេះ ទីតាំងស្វ័យសេវា ABA 24/7 ថ្មីបំផុតនេះ មានគោលបំណងនាំយកភាពងាយស្រួលបន្ថែមចំពោះស្វ័យសេវាធនាគារ ដែលផ្តល់ជូនដោយសាខាខេត្តព្រះសីហនុ ដែលមានទីតាំងនៅជិតនោះ។
អតិថិជនដែលនៅជិតនោះឥឡូវនេះអាចបំពេញតម្រូវការសេវាធនាគាររបស់ខ្លួន ដូចជា ការដាក់ និងដកប្រាក់ បានយ៉ាងងាយស្រួលដោយមិនចាំបាច់រង់ចាំលេខរៀងនៅតាមសាខាឡើយ។ ទីតាំងស្វ័យសេវា ABA 24/7 ក៏ផ្តល់ជូននូវសេវាដាក់មូលប្បទានបត្រតាមរយៈម៉ាស៊ីនស្វ័យសេវាដែលទទួលទាំងមូលប្បទានបត្ររបស់ធនាគារ ABA និងធនាគារក្នុងស្រុកផ្សេងៗទៀតផងដែរ។
ទីតាំងស្វ័យសេវា ABA 24/7 នៅផ្សារទំនើប ហ្វូរី ថាម សឃ្វែរ មានទីតាំងនៅភូមិ 1 សង្កាត់ 3 ខេត្តព្រះសីហនុ។ ទីតាំងនេះមានសម្គាល់នៅលើផែនទី ត្រង់នេះ។
សម្រាប់ចម្ងល់នានាអំពីទីតាំងស្វ័យសេវា ABA 24/7 សូមទាក់ទងទូរស័ព្ទលេខ 023 225 333 ឬដឹងបន្ថែម ត្រង់នេះ។
សូមអរគុណសម្រាប់ការប្រើប្រាស់សេវាធនាគាររបស់យើងខ្ញុំ!
