ABA សាខាវិមានឯករាជ្យធំជាងមុន ប្រសើរជាងមុន
28/Jun/2022
ធនាគារ ABA មានក្ដីសោមនស្ស សូមប្រកាសប្ដូរទីតាំងសាខាវិមានឯករាជ្យរបស់ខ្លួន ទៅកាន់សាខា ងាយស្រួលជាងមុន សម្រាប់បទពិសោធសេវាធនាគាររបស់អតិថិជនកាន់តែប្រសើរ។ សាខាថ្មីនេះ មាន ទីតាំងស្វ័យសេវាធំជាងមុន កន្លែងអង្គុយរង់ចាំប្រកបដោយផាសុកភាព ចំណតធំទូលាយ និងបន្ថែម បុគ្គលិកកាន់តែច្រើន ដើម្បីឆ្លើយតបទៅនឹងកំណើនអតិថិជនកំពុងតែកើនឡើង។
សាខាវិមានឯករាជ្យថ្មីមានទីតាំងស្ថិតលើផ្លូវប្រសព្វរវាងមហាវិថីព្រះសីហនុ (274) និងផ្លូវត្រសក់ផ្អែម (63) រាជធានីភ្នំពេញ នៅកែងទល់មុខការិយាល័យកណ្ដាលធនាគារ ABA។
លោក ប៉ុក បញ្ញា នាយកគ្រប់គ្រងតំបន់ មានប្រសាសន៍ថា៖ “យើងខ្ញុំបន្ដបម្រើអតិថិជនជាមួយបទ ពិសោធសេវាធនាគារកាន់តែប្រសើរ។ យើងខ្ញុំជឿជាក់ថា សាខាថ្មីនេះនឹងបង្កើនការចូលប្រើប្រាស់សេវា របស់យើងខ្ញុំ និងផ្ដល់ភាពងាយស្រួលបន្ថែមទៀតដល់អតិថិជន។”
សាខាវិមានឯករាជ្យថ្មី បានបង្កើនចំនួនម៉ាស៊ីន ATM, ម៉ាស៊ីនដាក់ប្រាក់, ម៉ាស៊ីនបើកកាត និងបញ្ជរបម្រើសេវាកាន់តែច្រើន ដើម្បីឲ្យបម្រើអតិថិជនយើងខ្ញុំឲ្យកាន់តែមានប្រសិទ្ធភាព។ លើសពីនេះ ឥឡូវ សាខាក៏បានរៀបចំបន្ទប់ VIP ធំជាងមុន សម្រាប់ឯកជនភាពរបស់អតិថិជនផងដែរ។
ស្វែងរកទីតាំងសាខាវិមានឯករាជ្យយើងខ្ញុំនៅអាសយដ្ឋានថ្មី៖ អគារលេខ 59 កែងផ្លូវត្រសក់ផ្អែម និងមហាវិថីព្រះសីហនុ ភូមិ 6 សង្កាត់ចតុមុខ ខណ្ឌដូនពេញ រាជធានីភ្នំពេញ ឬទំនាក់ទំនងទៅសាខា ដោយផ្ទាល់តាមលេខ 098 203 001 សម្រាប់ព័ត៌មានបន្ថែម។