ធនាគារ ABA អបអរការទទួលបានអតិថិជន4លាននាក់!
21/Aug/2024
ធនាគារ ABA បានទទួលសមិទ្ធផលដ៏អស្ចារ្យមួយ ដោយចំនួនអតិថិជនសរុបកើនឡើងលើស 4 លាននាក់ កាលពីដើមខែសីហាកន្លងទៅនេះ។ កំណើនគួរឲ្យកត់សម្គាល់នេះ ជាសក្ខីភាពមួយ ដែលបង្ហាញពីការប្តេជ្ញាចិត្តឥតងាករេរបស់ធនាគារ ក្នុងការផ្តល់សេវាកម្មហិរញ្ញវត្ថុដ៏សម្បូរបែប ជូនអតិថិជនទូទាំងប្រទេស។
ដើម្បីអបអរនូវសមិទ្ធផលនេះ ABA បានផ្តល់ប្រាក់រង្វាន់់ 4 លានរៀល ជូនអតិថិជនទី 4 លាន របស់ខ្លួន។ លោក ហ៊ាង ភស្ដ័ ប្រកបរបរជាអ្នកបើកឡានដឹកទំនិញកុងទែនណឺ បានមកទទួលរង្វាន់នៅ ABA សាខាសំរោងក្រោម កាលពីថ្ងៃទី 19 ខែសីហា។ នេះបានបង្ហាញពីការយកចិត្តទុកដាក់របស់ធនាគារ ទៅលើការជឿជាក់និងទំនុកចិត្តរបស់អតិថិជន។
លោក ឈុន វិចិត្រ នាយកសេវាធនាគាររូបវន្តបុគ្គលរបស់ធនាគារ ABA មានប្រសាសន៍ថា “ការទទួលបានអតិថិជនលើសពី4លាននាក់នេះ ជាសក្ខីភាពមួយនៃការខិតខិប្រឹងប្រែងរបស់ធនាគារ ក្នុងការបម្រើតម្រូវការជូនប្រជាជនកម្ពុជា នៅគ្រប់ស្រទាប់វណ្ណៈ។ យើងខ្ញុំមោទនភាពណាស់ ដែលទទួលបានទំនុកចិត្តពីអតិថិជនរាប់លាននាក់ ហើយយើងនឹងបន្តប្តេជ្ញាចិត្ត ដើម្បីផ្តល់ដំណោះស្រាយហិរញ្ញវត្ថុប្រកបដោយភាពងាយស្រួល និងនវានុវត្ត។”
លោកហ៊ាង ភស្ដ័ ក៏បានបញ្ចេញចំណាប់អារម្មណ៍បន្ទាប់ពីការទទួលរង្វាន់។ “ខ្ញុំពិតជានឹកស្មានមិនដល់មែន។ ខ្ញុំរំភើបខ្លាំងណាស់ដែលក្លាយជាអតិថិជនទី 4លាន និងទទួលបានរង្វាន់ធំបែបនេះ។ ខ្ញុំក៏ធ្លាប់បានឮរឿងល្អៗជាច្រើនអំពីធនាគារនេះ។ ក្រោយពីខ្ញុំបានប្រើប្រាស់ផ្ទាល់ ខ្ញុំអាចនិយាយបានថាវាមានភាពងាយស្រួលមែនក្នុងការផ្ញើប្រាក់ សម្រាប់ការងារឬការធ្វើប្រតិបត្តិការប្រចាំថ្ងៃ។ អរគុណដល់ធនាគារ ABA សម្រាប់រង្វាន់ និងសេវាកម្មដ៏ឥតខ្ចោះ។”
ធនាគារ ABA តែងតែយកចិត្តទុកដាក់លើអតិថិជនជាចំបង ដោយផ្តល់នូវសេវាកម្មធនាគារដ៏សម្បូរបែប ដែលមានភាពងាយស្រួល និងសុវត្ថិភាពខ្ពស់។
ដោយផ្តោតសំខាន់ទៅលើនវានុវត្តន៍ និងការផ្លាស់ប្តូរផ្នែកឌីជីថល ធនាគារ បន្តផ្តល់នូវសេវាកម្មតាមតម្រូវការអតិថិជនគ្រប់ៗរូប។
