ធនាគារ ABA ក្លាយជាអ្នកឧបត្ថម Gold Sponsor នៃកម្មវិធី ចាប់ផ្ដើមភាពជាដៃគូរវាងក្រសួងពាណិជ្ជ...

31/May/2024

ABA ដែលជាធនាគារពាណិជ្ជធំបំផុតនៅកម្ពុជា¹ បានក្លាយជាអ្នកឧបត្ថម Gold Sponsor នៃកម្មវិធីចាប់ផ្ដើមភាពជាដៃគូ រវាងក្រសួងពាណិជ្ជកម្ម និងក្រុមហ៊ុន Alibaba ។ កម្មវិធីនេះ ត្រូវបានរៀបចំឡើងនៅថ្ងៃទី 27 ឧសភា 2024 នៅសណ្ឋាគារសូហ្វីតែល។

សិក្ខាសាលាស្តីអំពី “លើសពីទីផ្សារកម្ពុជា៖ ការនាំយកផលិតផលកម្ពុជាទៅកាន់ទីផ្សារអន្តរជាតិតាមរយៈ Alibaba.com” គឺជាវឌ្ឍនភាពគួរឲ្យកត់សម្គាល់មួយ ក្នុងការបោះជំហានទៅមុខសម្រាប់ធុរកិច្ចកម្ពុជាដែលចង់ពង្រីកវិសាលភាពទៅកាន់ទីផ្សារសកល។

សិក្ខាសាលានេះ ត្រូវបានអញ្ជើញចូលរួមជាអធិបតីភាពក្រោមវត្តមាន លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ថ្នាក់ដឹកនាំក្រសួងពាណិជ្ជកម្ម តំណាងក្រសួងប្រៃសណីយ៍ និងទូរគមនាគមន៍ សភាពាណិជ្ជកម្មកម្ពុជា ក្រុមហ៊ុន Alibaba ភ្ញៀវជាតិ និងអន្តរជាតិជាច្រើនរូប។

តាមរយៈកិច្ចខិតខំប្រឹងប្រែងរួមជាមួយ ថ្នាលពាណិជ្ជកម្មសកលតាមប្រព័ន្ធអេឡិចត្រូនិក (eWTP) របស់ Alibaba ក្រសួងពាណិជ្ជកម្ម នឹងសហការជាមួយក្រុមហ៊ុន Alibaba ក្នុងការបើកពន្លាជាតិកម្ពុជានៅក្នុងផ្សារពាណិជ្ជកម្ម Alibaba.com។ កិច្ចសហការនេះ នឹងផ្តល់នូវថ្នាលរួមមួយសម្រាប់ធុរកិច្ចកម្ពុជា ក្នុងបង្ហាញផលិតផលរបស់ពួកគេទៅកាន់ទីផ្សារកាន់តែទូលាយទូលាយ និងពង្រីកទៅកាន់អ្នកប្រើប្រាស់អន្ដរជាតិ។

ធនាគារ ABA ទទួលស្គាល់អំពីសក្ដានុពលដ៏ខ្លាំងក្លានៃពាណិជ្ជកម្មអេឡិកត្រូនិកសម្រាប់ធុរកិច្ចកម្ពុជា ហើយប្ដេជ្ញាក្នុងការគាំទ្រគំនិតផ្ដួចផ្ដើមនានា ដែលទាញយកអត្ថប្រយោជន៍ជាអតិបរមាជូនដល់សហគ្រាសក្នុងស្រុកឲ្យរីកចម្រើននៅក្នុងទីផ្សារសកល។ តាមរយៈការចូលរួមឧបត្ថម្ភក្នុងកម្មវិធីនេះ ABA បង្ហាញពីការយកចិត្តទុកដាក់របស់ខ្លួន ក្នុងការជំរុញកំណើន និងវឌ្ឍនភាពសេដ្ឋកិច្ចរបស់កម្ពុជា។

_{¹ ABA គឺជាធនាគារពាណិជ្ជធំបំផុតនៅកម្ពុជាគិតលើទ្រព្យសកម្ម, ប្រាក់បញ្ញើ, កម្ចីដុល និងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 ដល់ 2023 របស់ធនាគារជាតិនៃកម្ពុជា។}