ទីតាំងស្វ័យសេវា ABA 24/7 បើកនៅជិត ផ្សារស្ទឹងមានជ័យ
08/Nov/2021
ទីតាំងស្វ័យសេវា ABA 24/7 របស់ ABA បន្តពង្រីកខ្លួនជាមួយនឹងការបើកដំណើរការជាផ្លូវការ នូវទីតាំងថ្មីមួយកន្លែងទៀត ក្នុងសង្កាត់ស្ទឹងមានជ័យ រាជធានីភ្នំពេញ ដើម្បីនាំមកនូវសេវាធនាគារងាយស្រួល និងបត់បែន ទៅឲ្យកាន់តែជិតដល់អតិថិជន។
ទីតាំងស្វ័យសេវា ABA 24/7 ស្ទឹងមានជ័យ ថ្មីនេះមានទីតាំងស្ថិតនៅតាមបណ្តោយមហាវិថីមុនីរ៉េត និងមានចំងាយប្រហែលមួយរយម៉ែត្រ ពីផ្សារស្ទឹងមានជ័យ។ វាបានក្លាយជាទីតាំងថ្មីមួយទៀត ដល់បានជួយសម្រួលដល់ការប្រើប្រាស់សេវាធនាគារស្វ័យសេវា បន្ថែមពីលើទីតាំងដែលមានស្រាប់ដូចជា សាខាស្ទឹងមានជ័យ និងសាខាអូរបែកក្អមរបស់ ABA ដែលមានទីតាំងនៅក្បែរនោះ។
ទីតាំងស្វ័យសេវានេះ នឹងជួយឲ្យអតិថិជនធ្វើការដាក់ ឬដកប្រាក់ និងដាក់មូលប្បទានបត្រពីធនាគារនានា ដោយមិនចាំបាច់រង់ចាំនៅក្នុងសាខាធនាគារដែលមានមនុស្សច្រើននោះឡើយ។ ទីតាំងនេះ ក៏មានកន្លែងចតរថយន្តធំទូលាយ និងមានសន្តិសុខប្រចាំការ 24ម៉ោង លើ24ម៉ោង ដើម្បីបន្ថែមសុខសុវត្ថិភាព និងភាពងាយស្រួលជូនដល់ការប្រើប្រាស់សេវារបស់លោកអ្នកផងដែរ។
ទីតាំងថ្មីនេះមានអាស័យដ្ឋាន ផ្ទះលេខ 600B ផ្លូវ 217 ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ អ្នកក៏អាចរកទីតាំងដោយ ចុចលើផែនទី បានផងដែរ។
សូមបន្តរង់ចាំមើល ទីតាំងស្វ័យសេវា ABA 24/7 របស់យើងបន្ថែមទៀតដែលអាចនឹងលេចឡើងនៅក្នុងតំបន់របស់អ្នក។
សម្រាប់ព័ត៌មានផ្សេងៗទាក់ទងនឹងទីតាំងស្វ័យសេវា ABA 24/7 សូមទាក់ទងតាមទូរស័ព្ទ 023 225 333 ឬ ស្វែងរកនៅលើ ទំព័រ ABA 24/7។
សូមអរគុណសម្រាប់ការប្រើប្រាស់សេវាធនាគារយើងខ្ញុំ!