ទីតាំងស្វ័យសេវា ABA 24/7 បើកនៅចំណតឈប់សម្រាកកំពង់សីលាផ្លូវល្បឿនលឿនហើយ!
31/Aug/2023
អ្នកធ្វើដំណើរលើផ្លូវល្បឿនលឿនពីភ្នំពេញព្រះសីហនុ អាចប្រើប្រាស់ទីតាំងស្វ័យសេវា ABA 24/7 នៅចំណតឈប់សម្រាកកំពង់សីលាបានហើយឥឡូវ ជាមួយនឹងសេវាធនាគារកាន់តែទូលំទូលាយ។
នៅទីតាំងស្វ័យសេវា 24/7 ថ្មីនេះ អតិថិជនអាច ដាក់/ដកប្រាក់ ពីគណនី ABA ណាមួយ បើកកាតប្លាស្ទិកក្នុងស្រុក និងអន្តជាតិតាម ម៉ាស៊ីនបើកកាត និងដាក់មូលប្បទានបត្រចេញដោយធនាគារនានា ដែលអតិថិជនមិនចាំបាច់រង់ចាំនៅសាខាធនាគារ ABA ឡើយ។ សេវាកម្មនៅទីតាំងស្វ័យសេវា 24/7 ទាំងអស់ គឺមិនមានគិតថ្លៃអ្វីឡើយ។
ឥឡូវនេះ អតិថិជនដែលធ្វើដំណើរតាមផ្លូវល្បឿនលឿន កាន់តែចំណេញពេលវេលា ក្នុងការចូលប្រើសេវាធនាគារនៅទីតាំងស្វ័យសេវា ABA 24/7 ថ្មី ដែលមានចំណតធំទូលាយ និងមានសន្តិសុខប្រចាំការ 24/7 ។
ទីតាំងស្វ័យសេវា ABA 24/7 កំពង់សីលាផ្លូវល្បឿនលឿនមានទីតាំងនៅ ចំណតឈប់សម្រាកកំពង់សីលា លើផ្លូវល្បឿនលឿនពីភ្នំពេញព្រះសីហនុ ភូមិចាំស្រី ស្រុកកំពង់សីលា ខេត្តព្រះសីហនុ។ លោកអ្នកអាចស្វែងរកទីតាំងដោយចុចលើ ផែនទីនេះ ។
គិតត្រឹមថ្ងៃនេះ ABA បានពង្រីកទីតាំងស្វ័យសេវា 24/7 បានចំនួន ៤១ កន្លែងហើយ នៅទូទាំងប្រទេស។ ធនាគារគ្រោងនឹងពង្រីកទីតាំងស្វ័យសេវា 24/7 បែបនេះ បន្ថែមទៀត ត្រឹមបំណាច់ឆ្នាំ ២០២៣។
សម្រាប់សំណួរ ឬចម្ងល់ផ្សេងៗទាក់ទងនឹងបណ្ដាញស្វ័យសេវា ABA 24/7 សូមទំនាក់ទំនងតាមទូរស័ព្ទ 1 800 203 203 (ប្រព័ន្ធទូរស័ព្ទឥតគិតថ្លៃ ក្នុងប្រទេសកម្ពុជា) ឬចូលទៅកាន់ គេហទំព័រ ABA 24/7។
សូមអរគុណសម្រាប់ការប្រើប្រាស់សេវាធនាគារយើងខ្ញុំ!
