ធនាគារ ABA ទទួលបានពានរង្វាន់ចំនួន 6 ពីក្រុមហ៊ុន VISA សម្រាប់ភាពឈានមុខក្នុងទីផ្សារ
18/May/2021
ធនាគារ ABA ទទួលបានពានរង្វាន់ឈានមុខ ចំនួន 6 ពីក្រុមហ៊ុន VISA ដែលជាក្រុមហ៊ុនផ្តល់សេវាទូទាត់បែបឌីជីថលនាំមុខគេរបស់ពិភពលោក សម្រាប់ឧត្តមភាពក្នុងបរិមាណទូទាត់ និងកំណើនកាតនៅកម្ពុជា ក្នុងឆ្នាំ 2020។
ពានរង្វាន់ទាំងនេះត្រូវបានប្រគល់ជូននៅក្នុងព្រឹត្តិការណ៍តាមអនឡាញដែលរៀបចំដោយក្រុមហ៊ុន Visa Cambodia នៅថ្ងៃទី 29 មេសា 2021 ដើម្បីអបអរសាទរ និងអរគុណដល់ធនាគារទាំងអស់ដែលបានចូលរួមក្នុងការរួមចំណែកដល់ភាពរីកចម្រើននៃផលិតផល VISA ជាពិសេស ការដាក់ឲ្យប្រើប្រាស់ និងការលើកកម្ពស់ការទូទាត់បែបឌីជីថលអំឡុងពេលរីករាលដាលជាសកលនៃវីរុសកូវីដ។
ធនាគារ ABA ត្រូវបានជ្រើសរើសក្នុងចំណោមធនាគារចំនួន 32 ដែលផ្គត់ផ្គង់ផលិតផល VISA នៅប្រទេសកម្ពុជា។ ពានរង្វាន់ឈានមុខ VISA ផ្តល់ជូនធនាគារ ABA មានដូចជា៖
- ឈានមុខសម្រាប់ការបញ្ជ្រាបកម្រិតទូទាត់ឆ្លងប្រទេស ឆ្នាំ2020 (Leadership in Cross-border Payment Volume Penetration 2020)
- ឈានមុខ សម្រាប់កំណើនកាត ឆ្នាំ2020 (Leadership in Cards Growth 2020)
- ឈានមុខ សម្រាប់អត្រាប្រើប្រាស់សកម្មនៃកាតចរន្តជិត ឆ្នាំ2020 (Leadership in Contactless Card Active Rate 2020)
- ឈានមុខ សម្រាប់កម្រិតទូទាត់ឥណពន្ធ ឆ្នាំ2020 (Leadership in Debit Payment Volume 2020)
- ឈានមុខ សម្រាប់មធ្យមភាគចំណាយ Visa Affluent Debit ឆ្នាំ2020 (Leadership for Average Spend Visa Affluent Debit 2020)
- ឈានមុខ សម្រាប់មធ្យមភាគចំណាយ Visa Mass Debit ឆ្នាំ2020 (Leadership for Average Spend Visa Mass Debit 2020)
យើងខ្ញុំសូមចែករំលែកភាពរីករាយសម្រាប់ការទទួលពានរង្វាន់ទាំងនេះជូនម្ចាស់កាតទាំងអស់ និងសូមថ្លែងអំណរគុណយ៉ាងជ្រាលជ្រៅសម្រាប់ការជ្រើសរើស ABA ជាធនាគារដៃគូ!
មិនទាន់មានកាត ABA Visa មែនទេ? ដឹងបន្ថែមអំពីកាតធនាគារយើងខ្ញុំនៅលើទំព័រ កាតទូទាត់ ។ អតិថិជន ABA អាច បើកកាតប្លាស្ទិក និង កាតនិម្មិត ដោយខ្លួនឯងបានដោយផ្ទាល់នៅក្នុងកម្មវិធី ABA Mobile។
ដោនឡូតកម្មវិធី ABA Mobile ឥឡូវនេះ!
