សូមណែនាំមុខងារដកប្រាក់តាម QR នៅលើម៉ាស៊ីនស្វ័យសេវា ដើម្បីភាពបត់បែនបន្ថែម
24/Nov/2021
ធនាគារ ABA សូមណែនាំមុខងារដកប្រាក់តាម QR ដោយមិនបាច់ប្រើកាត ដែលជាការដំឡើងសមត្ថភាពថ្មីមួយទៀត លើម៉ាស៊ីន ATM និងម៉ាស៊ីនដក-ដាក់ប្រាក់ (CRM)។
ជាមួយការដំឡើងសមត្ថភាពបន្ថែមនេះ អតិថិជន ABA អាចដកប្រាក់រហូតដល់ 4,000,000 រៀល ឬ 1,000 ដុល្លារ ក្នុងមួយប្រតិបត្តិការ/ថ្ងៃ ដោយគ្រាន់តែចុច ប៊ូតុង ដកប្រាក់តាម QR លើអេក្រង់ម៉ាស៊ីន ATM/CRM ហើយវាយចំនួនទឹកប្រាក់ជារូបិយប័ណ្ណណាមួយដែលត្រូវការដក ជាការស្រេច។ អតិថិជន ត្រូវប្រើ ABA Mobile ដើម្បីស្គែនកូដ QR លើអេក្រង់ រួចជ្រើសគណនីណាមួយដែលត្រូវដកប្រាក់។ ទាំងម៉ាស៊ីន ATM និងម៉ាស៊ីន CRM សុទ្ធតែមានក្រដាសប្រាក់ 50,000 រៀល និងក្រដាសប្រាក់ សន្លឹក 50 ដុល្លារ និង 100 ដុល្លារ។
មុខងារនេះ ជាដំណោះស្រាយដ៏ល្អសម្រាប់អតិថិជន ABA ដែលមិនមាន ឬមិនចង់ប្រើកាត ហើយនៅតែត្រូវការដកប្រាក់។ មុខងារនេះ ត្រូវបានផ្ដល់ជូនដោយឥតគិតថ្លៃ នៅតាមបណ្ដាម៉ាស៊ីនជាង 550 ទូទាំងប្រទេស។
សូមប្រើមុខងារដកប្រាក់តាម QR នៅលើម៉ាស៊ីន ATM និង CRM របស់ ABA ប្រសិនបើអ្នកមិនមានកាត ឬមិនចង់ប្រើកាត!
ប្រសិនបើអ្នក មិនទាន់មាន គណនី ABA សូមដោនឡូត ABA Mobile តាមលីងខាងក្រោម ហើយបើកគណនីរហ័ស (ត្រូវមានអត្តសញ្ញាណប័ណ្ណ និងស្មាតហ្វូន) ឬអាចអញ្ជើញទៅបើកនៅសាខា ABA ណាមួយក្នុងថ្ងៃនេះ។