សូមបង្កើនការប្រុងប្រយ័ត្នខ្ពស់ និងការពារគណនីធនាគាររបស់លោកអ្នក!
24/Feb/2023
ជូនចំពោះអតិថិជនជាទីគោរព!
ថ្មីៗនេះ យើងខ្ញុំបានប្រទះឃើញគេហទំព័រ ឬវិបសាយមួយចំនួន ដែលប្រើប្រាស់អត្តសញ្ញាណ ផ្ទៃរចនា ឬអក្សរកាត់នានាស្រដៀងទៅនឹង ABA ហើយតម្រូវឲ្យអតិថិជន ផ្តល់ព័ត៌មានផ្ទាល់ខ្លួនសំខាន់ៗរបស់ពួកគាត់ដូចជា លេខទូរស័ព្ទ ពាក្យសម្ងាត់ ឈ្មោះពេញ លេខគណនីធនាគារ និងលេខអត្តសញ្ញាណប័ណ្ណសញ្ជាតិខ្មែរជាដើម។
ក្នុងន័យនេះ ABA សូមបញ្ជាក់ថា ធនាគារមិនមានទំនាក់ទំនង ឬពាក់ព័ន្ធអ្វីជាមួយគេហទំព័រ និង/ឬទំព័របណ្ដាញសង្គមទាំងនោះឡើយ។ យើងខ្ញុំក៏សូមណែនាំដល់អតិថិជនរបស់យើងទាំងអស់ ឱ្យមានការប្រុងប្រយ័ត្នខ្ពស់បំផុត និងមិនត្រូវផ្តល់ព័ត៌មានផ្ទាល់ខ្លួន ឬព័ត៌មានធនាគាររបស់លោកអ្នក ទៅឱ្យក្រុមដែលមកពីប្រភពទាំងនេះជាដាច់ខាត។
ខាងក្រោមនេះ គឺជាបណ្តាញផ្លូវការពិតប្រាកដរបស់ធនាគារ ABA ដែលលោកអ្នកគួរតែកត់ចំណាំ៖
- គេហទំព័រ៖ www.ababank.com
- គេហទំព័រវេទិកាធុរកិច្ច ABA៖ business.ababank.com/CIB/
- ទំព័រ Facebook៖ www.facebook.com/ABA.Bank.Cambodia
- ទំព័រ Facebook សម្រាប់អភិវឌ្ឍន៍អាជីព៖ www.facebook.com/aba.bank.careers/
- ទំព័រ LinkedIn៖ www.linkedin.com/company/aba-bank
- ឆានែល YouTube៖ www.youtube.com/@ABABankOfficial
- ឆានែល Instagram៖ www.instagram.com/aba_bank
- ឆានែល TikTok៖ www.tiktok.com/@aba.bank
- ឆានែល Telegram៖ t.me/ABABank
យើងខ្ញុំនឹងបន្ថែមបណ្ដាញថ្មីៗ ទៅក្នុងបណ្តាញព័ត៌មានរបស់យើង ហើយនៅរាល់ពេលមានការបន្ថែមថ្មី យើងខ្ញុំប្រាកដជាជូនដំណឹងដល់អតិថិជនរបស់យើងទាំងអស់។ រាល់គេហទំព័រ និងទំព័របណ្ដាញសង្គមទាំងឡាយណា ដែលមិនបានរៀបរាប់ដូចខាងលើ មិនមែនជាកម្មសិទ្ធិរបស់ធនាគារ ABA ឡើយ ហើយលោកអ្នកមិនត្រូវផ្តល់ព័ត៌មានផ្ទាល់ខ្លួន ឬព័ត៌មានធនាគារដល់ពួកគេជាដាច់ខាត។
យើងខ្ញុំសូមលើកទឹកចិត្តដល់លោកអ្នក ឲ្យចែកចាយបន្តនូវព័ត៌មាននេះ ទៅកាន់សមាជិកក្រុមគ្រួសារ និងមិត្តភ័ក្តិរបស់លោកអ្នក ដើម្បីឲ្យពួកគាត់បានជ្រាប និងការពារកុំធ្លាក់ក្នុងអន្ទាក់ឆបោក។
ប្រសិនបើលោកអ្នកមានចម្ងល់ផ្សេងៗ សូមទាក់ទងមកយើងខ្ញុំតាមរយៈអ៊ីម៉េល info@ ឬទូរស័ព្ទមកលេខ 1 800 203 203 (ដោយឥតគិតថ្លៃ នៅក្នុងប្រទេសកម្ពុជា)។ ababank.com
សូមអរគុណសម្រាប់ការប្រើប្រាស់សេវាធនាគារ ABA!