ABA ផ្ដល់មធ្យោបាយងាយស្រួលសម្រាប់ ទូទាត់ថ្លៃធ្វើដំណើរផ្លូវល្បឿនលឿនភ្នំពេញ - ក្រុងព្រះសីហនុ
16/Nov/2022
អតិថិជនជាទីគោរព!
ABA សូមណែនាំមធ្យោបាយទូទាត់ងាយស្រួល ដែលអនុញ្ញាតឲ្យអតិថិជន ចំណេញពេលច្រើនពីការរង់ចាំបង់ប្រាក់ផ្ទាល់តាមលេខរៀងនៅបញ្ជរទាំងនៅច្រកចេញ និងច្រកចូល ពេលធ្វើដំណើរលើផ្លូវល្បឿនលឿនភ្នំពេញ - ក្រុងព្រះសីហនុ។
អ្នកប្រើប្រាស់កម្មវិធី ABA Mobile ទាំងអស់ អាចបញ្ចូលសមតុល្យទៅក្នុងផ្លាកលេខសម្គាល់យានយន្ដជាមុនបានដោយផ្ទាល់ក្នុងកម្មវិធី។ ដើម្បីបញ្ចូល៖
- ចុចប៊ូតុង ទូទាត់ប្រាក់ នៅលើអេក្រង់ដើមនៃកម្មវិធី
- ចុច សេវាសាធារណៈ ហើយជ្រើសរើស ផ្លូវល្បឿនលឿនភ្នំពេញ - ក្រុងព្រះសីហនុ
- បញ្ចូលព័ត៌មានផ្លាកលេខរបស់អ្នក រួចដាក់ចំនួនទឹកប្រាក់។
ជម្រើសផ្សេងពីនេះ អ្នកអាចចូលទៅកាន់អេក្រង់ទូទាត់ផ្ទាល់ ដោយគ្រាន់តែ ចុចទីនេះ។
ទឹកប្រាក់ទូទាត់ នឹងកាត់ពីសមតុល្យផ្លាកលេខយានយន្ដរបស់អ្នកនៅច្រកចេញ ផ្អែកតាមចម្ងាយដែលអ្នកធ្វើដំណើរ និងប្រភេទយានយន្តរបស់អ្នក។ អ្នកអាចបញ្ចូលទឹកប្រាក់ក្នុងចំនួនណាក៏បាន រហូតដល់ 1,000 ដុល្លារ ដើម្បីប្រើសម្រាប់ទូទាត់ពេលជិះលើផ្លូវល្បឿនលឿនលើកក្រោយ។
សូមជម្រាបថា មធ្យោបាយប្រមូលការទូទាត់នេះ មានតែនៅច្រកខាងស្តាំដៃបំផុតនៃស្ថានីយភ្នំពេញ និងស្ថានីយក្រុងព្រះសីហនុតែប៉ុណ្ណោះ។ សេវាកម្មនេះនឹងដាក់ដំណើរការនៅគន្លងផ្សេងទៀតក្នុងពេលឆាប់ៗ ហើយយើងខ្ញុំនឹងជម្រាបជូនអតិថជនអំពីព័ត៌មាននេះតាមក្រោយ។
សម្រាប់ព័ត៌មានបន្ថែម សូមទំនាក់ទំនងតាមប្រព័ន្ធទូរស័ព្ទឥតគិតថ្លៃ 1 800 203 203 (សម្រាប់ការហៅក្នុងប្រទេសកម្ពុជា) ឬឆាតមកយើងខ្ញុំនៅលើវិបសាយ ឬ ទំព័រហ្វេសប៊ុក។
មិនទាន់មានគណនី ABA មែនទេ? ដោនឡូត ABA Mobile ឥឡូវ ហើយបើក គណនីរហ័ស（តម្រូវឲ្យមានអត្តសញ្ញាណប័ណ្ណសញ្ជាតិខ្មែរ និងលេខទូរស័ព្ទ）។
