ធនាគារ ABA បើកសាខាចោមចៅ 2 ដើម្បីបម្រើអតិថិជនឲ្យទាន់តម្រូវការកើនឡើង
25/Nov/2019
ធនាគារ ABA ថ្ងៃនេះ សូមប្រកាសបើកសាខាចោមចៅ 2 ដើម្បីបម្រើសេវាជូនអតិថិជន ដែលមានចំនួនកើនឡើងយ៉ាងច្រើននៅក្នុងតំបន់។ សាខាថ្មីនេះនឹងជួយកាត់បន្ថយភាពណែនណាន់តាន់តាប់របស់អតិថិជន ដែលមកប្រើសេវានៅសាខាចោមចៅដែលមានស្រាប់។
ជាមួយនឹងការរចនាថ្មីស្រឡាង និងបំពាក់ដោយឧបករណ៍ថ្មីៗ សាខាចោមចៅ 2 បានត្រៀមខ្លួនរួចជាស្រេច ដើម្បីស្វាគមន៍អតិថិជន។ សាខាថ្មីនេះមានកន្លែងចតធំទូលាយ កន្លែងរងចាំប្រកបដោយផាសុកភាព និងបញ្ជរទទួលភ្ញៀវប្រកបដោយស្តង់ដារខ្ពស់ ដើម្បីផ្តល់ជូនភាពងាយស្រួល និងភាពឯកជនជូនដល់អតិថិជនដែលមកប្រើប្រាស់សេវានៅទីនេះ។ បុគ្គលិកអាជីពរបស់យើង ក៏បានត្រៀមខ្លួនរួចជាស្រេច ដើម្បីចាំទទួលអតិថិជន ក៏ដូចជាឆ្លើយសំណួរផ្សេងៗទាក់ទងនឹងផលិតផល និងសេវារបស់ធនាគារ ដែលរួមមានសេវាបញ្ញើ កម្ចី ផ្ទេរប្រាក់ និងសេវាធនាគារអនឡាញជាដើម។
សាខាក៏ត្រូវបានបំពាក់ដោយឧបករណ៍ស្វ័យធនាគារទំនើបៗដូចជា ម៉ាស៊ីន ATMs ម៉ាស៊ីនដាក់ប្រាក់ និងម៉ាស៊ីនដាក់ដកប្រាក់ ដែលអនុញ្ញាតឲ្យអតិថិជនរបស់យើង អាចចូលប្រើប្រាស់គណនីរបស់ខ្លួនបាន 24ម៉ោង និង 7ថ្ងៃក្នុងមួយសប្តាហ៍ផងដែរ។
ធនាគារ ABA ចោមចៅ 2 បើកទ្វារបម្រើអតិថិជនចាប់ពីម៉ោង 8ព្រឹក ដល់ម៉ោង 4ល្ងាច រៀងរាល់ថ្ងៃចន្ទ ដល់ថ្ងៃសុក្រ និងចាប់ពីម៉ោង 8ព្រឹក ដល់ម៉ោង 11ព្រឹករៀងរាល់ថ្ងៃសៅរិ៍។
សាខាមានទីតាំងនៅផ្ទះលេខ 01, 02, 03 ផ្លូវវេងស្រេង ភូមិត្រពាំងថ្លឹង4 សង្កាត់ចោមចៅទី1 ខណ្ឌពោធិ៍សែនជ័យ រាជធានីភ្នំពេញ។ លេខទំនាក់ទំនងសាខា 081 204 420។
គិតមកត្រឹមថ្ងៃទី25 ខែវិច្ឆិកា ឆ្នាំ2019 ធនាគារ ABA មានសាខាសរុបចំនួន 74 ដែលបើកដំណើរការទូទាំងប្រទេស ជាមួយនឹងគម្រោងបើកថ្មីបន្ថែមចំនួន 3សាខាទៀត ត្រឹមបំណាច់ឆ្នាំនេះ។