ផ្ទេរពី ABA ទៅ TrueMoney

ធនាគារ ABA និង TrueMoney បានចាប់ដៃគ្នា ដើម្បីផ្ដល់មធ្យោបាយផ្ទេរប្រាក់រវាគណនី ABA និង TrueMoney ដែលអតិថិជនអាចធ្វើប្រតិបត្តិការបានដោយគ្រាន់តែចុចប៊ូតុងទូរស័ព្ទ តាមកម្មវិធី ABA Mobile និង កម្មវិធី TrueMoney។ ជាមួយថ្លៃសេវាត្រឹម 0.50 ដុល្លារ ឬ 2,000 រៀល ក្នុងមួយប្រតិបត្តិការ អតិថិជន អាចផ្ទេរប្រាក់ទៅមករវាងកម្មវិធីទាំងពីរបានយ៉ាងងាយស្រួលរហូតដល់ 2,500 ដុល្លារ។

សូមរីករាយផ្ទេរប្រាក់ប្រកបដោយភាពងាយស្រួលរវាងគណនី ABA និង TrueMoney App តាមរយៈកម្មវិធីដ៏ទំនើបទាំងពីរនេះ!

លក្ខខណ្ឌប្រើប្រាស់ ABA Mobile ត្រូវបានកែសម្រួលថ្មី នៅថ្ងៃទី 26 មីនា 2020។ សូមចុច ត្រង់នេះ ដើម្បីអានកំណែថ្មីនេះ។

ពី ABA Mobile ទៅ TrueMoney App

បើកកម្មវិធី ABA Mobile ហើយជ្រើសរើសមុខងារ “ផ្ទេរប្រាក់”
ជ្រើសពាក្យ “ផ្ទេរប្រាក់ទៅគណនី TrueMoney”
ជ្រើសរើសគណនី ABA ដែលអ្នកចង់ផ្ទេរប្រាក់ចេញ
បញ្ចូលលេខគណនី TrueMoney
ជ្រើសរើសរូបិយប័ណ្ណដែលចង់ផ្ទេរ (ដុល្លារ / រៀល)
បញ្ចូលចំនួនទឹកប្រាក់ដែលអ្នកចង់ផ្ទេរ
ចុចពាក្យ រួចរាល់
ពិនិត្យនិងផ្ទៀងផ្ទាត់ព័ត៌មានគណនីនិងចំនួនទឹកប្រាក់
បញ្ជាក់ប្រតិបត្តិការ ដោយដាក់លេខសម្ងាត់របស់អ្នក។

ថ្លៃសេវា

រូបិយប័ណ្ណ	ចំនួន	ថ្លៃសេវា	កំណត់/ថ្ងៃ
ដុល្លារ	1 – 1,000	0.5¹	1,000
រៀល	4,000 – 4លាន	2,000¹	4លាន

_{¹ ប្រូម៉ូសិនផ្ទេរប្រាក់មិនអស់ថ្លៃសេវា មានសុពលភាពដល់ថ្ងៃទី17 មេសា 2020។ ដឹងលម្អិត}

ពី TrueMoney App ទៅ ABA Mobile

បើកកម្មវិធី TrueMoney app
ជ្រើសរើសមុខងារ “ផ្ទេរប្រាក់”
ជ្រើសរើសពាក្យ "ទៅគណនី ABA"
ដាក់លេខគណនី ABA ដែលទទួលប្រាក់
ជ្រើសរើសពាក្យ "បន្ទាប់"
បញ្ជាក់ឈ្មោះអ្នកទទួលនិងគណនី ABA
ជ្រើសរើស រូបិយបណ្ណ
បញ្ចូលចំនួនទឹកប្រាក់ដែលអ្នកចង់ផ្ញើរ
ចុចពាក្យ “ផ្ទេរប្រាក់”។

ថ្លៃសេវា

រូបិយប័ណ្ណ	ចំនួន	ថ្លៃសេវា	កំណត់/ថ្ងៃ
ដុល្លារ	1 – 1,000	0.5	2,500
រៀល	4,000 – 4លាន	2,000	10លាន

ដោនឡូត ABA Mobile
សំណួរចម្លើយ

ចុចរូបសញ្ញាខាងក្រោម ដើម្បីដោនឡូត កម្មវិធី ABA Mobile ដោយឥតគិតថ្លៃពី App store របស់ Apple ឬ Play Store របស់ Google។ ក្រោយពីដោនឡុតរួច គ្រាន់តែអនុវត្តតាមការណែនាំលើអេក្រង់ ពេលនោះ លោកអាចប្រើប្រាស់បានហើយ!

1. តើ “សេវាផ្ទេរប្រាក់ រវាង TrueMoney និង ABA ជាអ្វី”?

សេវាផ្ទេរប្រាក់ រវាង TrueMoney និង ABA គឺសេវាផ្ទេរប្រាក់រួមបញ្ចូលគ្នារវាងធនាគារ ABA និង TrueMoney ដែលអនុញ្ញាតឲ្យអតិថិជន ធ្វើការផ្ទេរប្រាក់រវាងគណនី ABA និង TrueMoney ដោយប្រើកម្មវិធី ABA Mobile និង កម្មវិធី TrueMoney។

2. តើខ្ញុំត្រូវផ្ទេរប្រាក់ពី TrueMoney ទៅគណនី ABA តាម TrueMoney បានដោយរបៀបណា?

ដំបូង លោកអ្នក ត្រូវមាន ទឹកប្រាក់គ្រប់គ្រាន់តាមចំនួនត្រូវផ្ទេរ។ បន្ទាប់មកទៀត លោកអ្នក ត្រូវបើកកម្មវិធី TrueMoney នៅលើទូរស័ព្ទដៃរបស់អ្នក, រួចចុចមុខងារ ផ្ទេរប្រាក់, ជ្រើសរើស ធនាគារ ABA ហើយបំពេញព័ត៌មានដែលតម្រូវ។ លោកអ្នកអាចស្វែងយល់បន្ថែម អំពីជំហានងាយៗក្នុងការផ្ទេរពី TrueMoney App ទៅ ABA Mobile ដូចមានបង្ហាញជូនខាងលើ។

3. តើខ្ញុំត្រូវផ្ទេរប្រាក់ពីគណនី ABA ទៅ TrueMoney តាមកម្មវិធី ABA Mobile បានដោយរបៀបណា?

ប្រហាក់ប្រហែលគ្នានេះដែរ លោកអ្នក ត្រូវមាន ទឹកប្រាក់ក្នុងគណនី ABA គ្រប់ចំនួនដែលត្រូវផ្ទេរ។ បន្ទាប់មក ត្រូវបើកកម្មវិធី ABA Mobile, ចុចប៊ូតុង ផ្ទេរប្រាក់, រួចចុចមុខងារ ផ្ទេរប្រាក់ទៅ TrueMoney, ជ្រើសរើសគណនី ABA ដែលត្រូវប្រើដើម្បីផ្ទេរប្រាក់ចេញ ហើយបំពេញព័ត៌មាននៅក្នុងបែបបទផ្ទេរប្រាក់។ លោកអ្នក អាចស្វែងយល់បន្ថែមអំពីជំហានងាយៗក្នុងការផ្ទេរពី ABA Mobile ទៅ TrueMoney App ដូចមានបង្ហាញជូនខាងលើ។

4. តើខ្ញុំត្រូវធ្វើដូចម្ដេច បើខ្ញុំបានដាក់ខុស ID របស់ TrueMoney នៅលើ ABA Mobile ហើយទឹកប្រាក់របស់ខ្ញុំត្រូវបានផ្ទេរចូលទៅ TrueMoney App របស់អ្នកផ្សេង?

លោកអ្នក ត្រូវជូនដំណឹងមកផ្នែកទំនាក់ទំនងអតិថិជន ABA ជាបន្ទាន់ តាមរយៈលេខ 023 225 333 ដើម្បីឲ្យក្រុមការងាររបស់យើងខ្ញុំ ចាត់វិធានការបន្តជាមួយ TrueMoney ក្នុងការផ្ទេរប្រាក់នោះចូលមកគណនីរបស់អ្នកវិញ។ចំណាំ៖ ត្រូវផ្ទៀងផ្ទាត់ឈ្មោះ និង ID របស់អ្នកប្រើ TrueMoney ក្នុងកម្មវិធី មុនពេលបញ្ជាក់ការផ្ទេរប្រាក់។

5. តើខ្ញុំត្រូវធ្វើបែបណា ប្រសិនបើខ្ញុំផ្ទេរប្រាក់ពី ABA Mobile ទៅ TrueMoney App រួចរាល់ហើយ ប៉ុន្តែមិត្តភក្តិសាច់ញាតិ ដែលត្រូវទទួល ថាមិនបានទទួលទេ?

សូមថត (screenshot) វិក្កយបត្រលើអេក្រង់ទូរស័ព្ទ ឬរបាយការណ៍ប្រតិបត្តិការ ហើយផ្ញើមកផ្នែកទំនាក់ទំនងអតិថិជន ABA តាមរយៈប្រអប់សារ (Messenger) នៃទំព័រ Facebook ផ្លូវការរបស់ធនាគារ ឬ ឆាតតាមវិបសាយ ឬអ៊ីមែលទៅ [email protected] ដើម្បីយើងខ្ញុំ ស្វែងរកដំណោះស្រាយជូន។ ក្រៅពីនេះ លោកអ្នកក៏អាចទាក់ទងមកលេខ 023 225 333 ដែលជាផ្នែកទំនាក់ទំនងអតិថិជន 24/ 7។

6. តើខ្ញុំត្រូវធ្វើបែបណា បើពេលខ្ញុំកំពុងផ្ទេរប្រាក់តាម ABA Mobile ស្រាប់តែទូរស័ព្ទខ្ញុំដាច់អុីនធឺណិត ឬ រលត់ ?

លោកអ្នកត្រូវបើក ABA Mobile ឡើងវិញ ហើយចូលមើលរបាយការណ៍ប្រតិបត្តិការ ដើម្បីឲ្យដឹងថាតើប្រតិបត្តិការមុននេះ ធ្វើបានរួចរាល់ឬនៅ។ ប្រសិនបើមានបញ្ហាកើតឡើង សូមទាក់ទងមក ផ្នែកទំនាក់ទំនងអតិថិជន 24/7 តាមរយៈលេខ 023 225 333 ដើម្បីស្វែងរកដំណោះស្រាយ។

7. កម្មវិធី ABA Mobile នឹងលោតសារជូនដំណឹងដែរឬទេ ប្រសិនមាននរណាម្នាក់ផ្ញើលុយពី TrueMoney App មកឲ្យខ្ញុំ?

បាទ/ចាស វានឹងលោតសារចេញមក។

8. តើការផ្ទេរប្រាក់រវាង ABA Mobile និង TrueMoney App គិតថ្លៃសេវាយ៉ាងម៉េចដែរ?

ថ្លៃសេវា គឺ 0.50 USD ឬ 2,000 រៀល ក្នុងមួយប្រតិបត្តិការ។ សម្រាប់ព័ត៌មានលំអិតអំពីចំនួនផ្ទេរ សូមឆែកមើលតារាង ចំនួនទឹកប្រាក់ផ្ទេរ និងថ្លៃសេវា។

9. តើខ្ញុំអាចផ្ទេរប្រាក់ច្រើនលើកបានទេ រវាង ABA Mobile និង TrueMoney App?

បាទ/ចាស លោកអ្នកអាចផ្ទេរបានច្រើនលើក។ រាល់ការផ្ទេរមួយលើកៗ ត្រូវគិតថ្លៃសេវាធម្មតា។ សម្រាប់ព័ត៌មានបន្ថែម សូមឆែកមើលតារាង ចំនួនទឹកប្រាក់ផ្ទេរ និងថ្លៃសេវា។

លក្ខខណ្ឌទូទៅ និងលក្ខខណ្ឌសម្រាប់ធនាគារអនឡាញ ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។