ខ​និង​លក្ខខណ្ឌ​ក្នុង​ការ​ប្រើ​ Free​ Wifi​

លោក​អ្នក​ចាំបាច់​ត្រូវ​អាន​ព័ត៌មាន​ដែល​និយាយ​អំពី​សេវា​អ៊ី​ធឺ​ណិ​ត​ WiFi​ (“​សេវា​”)​ ខាងក្រោម​នេះ​។​ ការ​ដែល​អ្នក​ប្រើប្រាស់​សេវា​នេះ​ មាន​ន័យ​ថា​អ្នក​បាន​យល់ព្រម​តាម​ ខ​និង​លក្ខខណ្ឌ​នៃ​ការ​ប្រើប្រាស់​រួច​ហើយ​។​

ខ​និង​លក្ខខណ្ឌ​នានា

  1. ធនាគារ​ ABA​ (“​យើង​”)​ ជា​អ្នក​ផ្ដល់​សេវា​នេះ​ដល់​អ្នក​ដោយ​មិន​គិតថ្លៃ​។
  2. យើង​មិន​មាន​កាតព្វកិច្ច​ក្នុង​ការ​ផ្ដល់​សេវា​នេះ​ជូន​អ្នក​ ឬ​ យើង​មិន​ទទួលខុស​ចំពោះ​អ្នក​ (​ឬ​ភាគី​ទី​បី​)​ក្នុង​ករណី​ដែល​សេវា​នេះ​មិន​មាន​ដំណើរការ​សម្រាប់​ប្រើប្រាស់​។
  3. យើង​មិន​ទទួលខុសត្រូវ​ចំពោះ​សេវា​ដែល​មាន​ឬ​មិន​មាន​ ឬ​សេវា​រអាក់រអួល​ ឬ​ដើរ​យឺត​ឡើយ​។​
  4. យើង​អាច​នឹង​លុប​ការ​ផ្ដល់​ជូន​សេវា​នេះ​ ដោយ​មិន​ជម្រាប​ជូនដំណឹង​ជា​មុន​ និង​តាម​ឆន្ទានុសិទ្ធិ​របស់​យើង​។
  5. ​អ្នកជា​អ្នក​ទទួលខុសត្រូវ​ទាំងស្រុង​ចំពោះ​ហានិភ័យ​នានា​ដែល​កើតឡើង​ពី​ការ​ប្រើប្រាស់​សេវា​នេះ​ ហើយ​យើង​នឹង​មិន​ទទួល​ត្រូវ​លើ​រាល់​ការ​បាត់បង់​ ឬ​ខូចខាត​ណាមួយ​ឡើយ​។​
  6. ចំពោះ​ឧបករណ៍​ប្រើប្រាស់​របស់​អ្នក​ដែល​មិន​អាច​ភ្ជាប់​សេវា​នេះ​បាន​ នោះ​មិនមែន​ជា​ការ​ទទួលខុសត្រូវ​របស់​យើង​ឡើយ​។
  7. យើង​សូម​ឲ្យ​អ្នក​ដំឡើង​ និង​ធ្វើ​បច្ចុប្បន្នភាព​ឲ្យ​បាន​ទៀងទាត់​នូវ​កម្មវិធី​ប្រឆាំង​មេរោគ​ និង​កម្មវិធី​ការពារ​ទៅ​ក្នុង​ឧបករណ៍​ដែល​អាច​ភ្ជាប់​អ៊ីនធឺណិត​បាន​ ដើម្បី​បិទ​កុំ​ឲ្យ​មេរោគ​ ឬ​ឯកសារ​គ្រោះថ្នាក់​ឆ្លង​ចូល​មក​។​
  8. ដើម្បី​កាត់​បន្ថយ​ការ​ឆ្លង​ចូល​មេរោគ​ ឬ​ឯកសារ​មិនល្អ​ យើង​បាន​បិទ​វិ​ប​សាយ​ និង​កន្លែង​សារ​ឆ្លង​ឆ្លើយ​ ដោយ​ប្រើ​កម្មវិធី​សម្រាំង​ឯកសារ​។​
  9. ដោយ​ប្រើប្រាស់​សេវា​នេះ​ មាន​ន័យ​ថា​អ្នក​បានដឹង​ឮ​ និង​ទទួលស្គាល់​ថា​ ការ​ប្រើប្រាស់​នេះ​អាច​ប្រឈម​នឹង​ហា​និ​យ​ភ័យ​ផ្នែក​សុវត្ថិភាព​ ព័ត៌មាន​សម្ងាត់​ ដោយសារ​បាន​ចម្លង​ ឬ​បាន​ឆ្លង​ព័ត៌មាន​តាម​អ៊ីនធឺណិត​ មិន​ថា​អ្នក​ភ្ជាប់​ដោយ​ប្រើ​ខ្សែ​ ឬ​ដោយ​ឥត​ខ្សែ​ឡើយ​។​
  10. ប្រសិនបើ​យើង​រក​ឃើញ​ថា​អ្នក​ប្រើប្រាស់​ខុស​ពី​ធម្មតា​,​ ដោយ​ខុស​ខ្បា​ប់​,​ ឬ​ដោយ​បំពាន​ ដែល​រួម​មានការ​ទាញ​ប្រើ​លើស​កំណត់​ នោះ​យើង​រក្សា​សិទ្ធិ​ក្នុង​ការ​ផ្ដាច់​ការ​ប្រើប្រាស់​របស់​អ្នកជា​បណ្ដោះអាសន្ន​ពី​បណ្ដាញ​ឥត​ខ្សែ​នេះ​។​
  11. ការ​ប្រើប្រាស់​បណ្ដាញ​អ៊ីនធឺណិត​ឥត​ខ្សែ​ ត្រូវ​អនុវត្ត​តាម​បម្រាម​ដូច​ខាងក្រោម​។​
  12. ​បម្រាម​ទូទៅ

    ខាងក្រោម​នេះ​ គ្រាន់​ជា​ឧទាហរណ៍​តំណាង​ ហើយ​មិន​ទាន់​បញ្ចូល​ខ្លឹមសារ​ទាំងស្រុង​នៃ​ការ​ប្រើប្រាស់​ខុស​ខ្បា​ប់​ ឬ​មិន​អាច​ទទួលយក​បាន​ជុំវិញ​សេវា​នេះ​ឡើយ​៖

    • ​អ្នក​មិន​ត្រូវ​ប្រើប្រាស់​សេវា​នេះ​ដើម្បី​ផ្ញើ​អ៊ីមែល​ spam​ ឬ​ការ​ផ្សព្វផ្សាយ​ពាណិជ្ជ​ ឬ​ឯកសារ​ប្រូ​ម៉ូ​សិន​ឡើយ​។​
    • អ្នក​មិន​ត្រូវ​ប្រើ​សេវា​អ៊ីនធឺណិត​នេះ​ ដើម្បី​ផ្ញើ​អ៊ីមែល​ ឬ​ផ្ញើ​សារ​,​ បង្ហោះ​ព័ត៌មាន​តាម​ blog,​ ចុះ​ផ្សាយ​ឯកសារ​ ឬ​ទាញ​យក​ឯកសារ​ក្នុង​គោលបំណង​ក្លែងបន្លំ​,​ រំលោភសិទ្ធិ​ចម្លង​ ឬ​កម្មសិទ្ធិបញ្ញា​,​ បំពាន​នឹង​សេចក្ដី​ទុកចិត្ត​,​ ព័ត៌មាន​ឯកជន​ ឬ​សិទ្ធិ​ផ្សេងៗ​ ឬ​ ធ្វើ​ឡើង​ពាក់ព័ន្ធ​ជាមួយ​ឧក្រិដ្ឋកម្ម​ ឬ​ភេរវកម្ម​ឡើយ​។​
    • អ្នក​មិន​ត្រូវ​មាន​បំណង​លួច​ចូល​ ឬ​ចូល​ប្រើ​កុំព្យូទ័រ​,​ គណនី​,​ បរិក្ខារ​,​ បណ្ដាញ​ ឬ​ព័ត៌មាន​នៅ​លើ​ពាក្យ​សំងាត​(passwords)​ ឬ​ ទិន្នន័យ​ដែល​ជា​កម្មសិទ្ធិ​របស់​ភាគី​ណាមួយ​ផ្សេង​ទៀត​ឡើយ​។​
    • អ្នក​មិន​ត្រូវ​មាន​ចេតនា​ស្វែងរក​ឯកសារ​ ឬ​រូបភាព​អាសអាភាស​ និង​រូប​អាក្រាត​របស់​កុមារ​,​ អាសគ្រាម​,​ ហិង្សា​ ឬ​ឯកសារ​រើសអើង​,​ ឬ​ការ​ប្រើ​ពាក្យ​ស្វែងរក​ដែល​ត្រូវ​បាន​ចាត់​ទុក​ថា​ជា​អាសគ្រាម​,​ រើសអើង​ ឬ​វាយប្រហារ​ផ្លូវចិត្ត​,​ ឬ​ពាក់ព័ន្ធ​នឹង​សកម្មភាព​ខុសច្បាប់​ ឬ​មិន​ស្របច្បាប់​នៃ​ប្រទេស​កម្ពុជា​ឡើយ​។​
    • អ្នក​មិន​ត្រូវ​ប្រើ​ល្បឿន​ហួស​កម្រិត​ ដូច​ជា​ផ្ទេរ​ឯកសារ​ធំៗ​ និង​ការ​ចែករំលែក​វី​ដេ​អូ​ជាមួយ​កម្មវិធី​មួយ​ចំនួន​ (i.e.​ torrents,​ បណ្ដាញ​ចែកចាយ​ឯកសារ​,​ ដូច​ជា​ WeTransfer,​ ។​ល​។​)​។​
    • អ្នក​មិន​ត្រូវ​ចម្លង​,​ បង្ហោះ​,​ បញ្ចូល​,​ ឬ​បរិហារកេរ្តិ៍​,​ រំខាន​យាយី​,​ រំលោភ​បំពាន​,​ ឬ​ សម្ភារៈ​គំរាមកំហែង​ដែល​បង្ក​គ្រោះថ្នាក់​ដល់​រាង​កាយ​,​ ការ​ខូចខាត​ទ្រព្យសម្បត្តិ​ ឬ​ រំខាន​ដល់​អ្នក​ដទៃ​។
    • អ្នក​មិន​ត្រូវ​ក្លែងបន្លំ​ក្បាល​លិខិត​ មិន​ថា​កែ​ផ្នែក​ណាមួយ​ ឬ​ កែ​ទាំងអស់​ ដើម្បី​បិទ​បាំង​ខ្លឹមសារ​ដើម​ឡើយ​។​
    • អ្នក​មិន​ត្រូវធ្វើ​សកម្មភាព​ទាំងឡាយ​ណា​ដែល​ពាក់ព័ន្ធ​នឹង​ការ​ចម្លង​មេរោគ​តាម​អ៊ីនធឺណិត​ ដូច​ជា​ Malware,​ worms,​ Trojan​ horses,​ pinging,​ flooding,​ mail-bombing​ ឬ​សកម្មភាព​រំខាន់​ផ្សេងៗ​។​
    • អ្នក​មិន​ត្រូវ​បើក​ចូល​ទៅ​វិ​ប​សាយ​ និង​/​ឬ​សេវា​ដែល​ត្រូវ​បាន​ប្រើប្រាស់​ជា​ល្បែងស៊ីសង​អន​ឡាញ​,​ ទិញ​ ឬ​ផលិត​អាវុធ​ខុសច្បាប់​ និង​/​ឬ​សារធាតុ​ ក៏​ដូច​ជា​វត្ថុ​ខុស​ខ្បា​ប់​។​
  13. អ្នក​ត្រូវ​ទទួលខុសត្រូវ​ទាំងស្រុង​សម្រាប់​រាល់​ព័ត៌មាន​ ឬ​ទិន្នន័យ​ដាក់​ចូល​,​ ទាញ​យក​ ឬអ្វី​ផ្សេងៗ​តាម​រយៈ​សេវា​អ៊ីនធឺណិត​នេះ​ និង​ត្រូវ​ទទួលខុសត្រូវ​លើ​ការ​រក្សា​ទុក​ឈ្មោះ​ប្រើប្រាស់​ ពាក្យ​សំងាត់​ និង​ព័ត៌មាន​សុវត្ថិភាព​ និង​ឯកជន​ផ្សេងៗ​របស់​​ខ្លួន​។