Payway Plugins

​ប្រព័ន្ធ​ទូទាត់​អន​ឡាញ​ PayWay​ របស់​ធនាគារ​ ABA​ ដែល​ជា​ម្ចាស់​ជ័យ​លា​ភី​ ពី​ Asia​ eCommerce​ Awards​ ត្រូវ​បាន​បង្កើត​ឡើង​សម្រាប់​គ្រប់​អាជីវកម្ម​អន​ឡាញ​តូច​ធំ​ ដែល​កំពុង​ស្វែងរក​ដំណោះស្រាយ​ទូទាត់​ជាទី​ទុកចិត្ត​ ងាយ​ដំឡើង​ និង​ស្រួល​ប្រើប្រាស់​ក្នុង​វិ​ប​សាយ​របស់​ខ្លួន​។​

ជាមួយ​ PayWay​ Plugin​ ដែល​ត្រូវ​បាន​បង្កើត​ឡើង​សម្រាប់​តម្រូវ​តាម​ platform​ របស់​ e-commerce​ ល្បីៗ​ លោក​អ្នក​អាច​ប្រែក្លាយ​វិ​ប​សាយ​របស់​លោក​អ្នក​ ទៅ​ជា​ហាង​អន​ឡាញ​ពេញលេញ​បាន​យ៉ាង​ងាយស្រួល​ ហើយ​អាច​ចាប់ផ្តើម​ទទួល​ការ​ទូទាត់​ពី​អតិថិជន​របស់​លោក​អ្នក​តាម​កាត​ Visa,​ Mastercard,​ UnionPay​ ក៏​ដូច​ជាតា​មរយៈ​ ABA​ PAY​ បាន​ភ្លាមៗ​។ ​សេវា​ PayWay​ អាច​ទទួល​ការ​ទូទាត់​ទាំង​ប្រាក់​ដុល្លារ​ និង​ប្រាក់​រៀល​ ដែល​ធ្វើ​ឲ្យ​អតិថិជន​មាន​ជម្រើស​បត់បែន​ក្នុង​ការ​ទូទាត់​។​

បង្កើន​ប្រសិទ្ធភាព​ការ​លក់​អន​ឡាញ​របស់​លោក​អ្នក​ជាមួយ​ PayWay​។​

​ហេតុ​អ្វី​ប្រើ​ PayWay​ Plugin?

PayWay​ Plugin​ ដែល​រៀបចំ​ហើយ​ស្រេច​សម្រាប់​ដំឡើង​ លោក​អ្នក​អាច​ដំឡើង​ចូល​បាន​យ៉ាង​ស្រួល​ក្នុង​វិ​ប​សាយ​ដែល​ដំណើរការ​ដោយ​៖​ Magento,​ WooCommerce​ និង​ Prestashop​។​ អ្នក​គ្រាន់តែ​ដោ​ន​ឡូត​ ហើយ​ដំឡើង​ PayWay​ Plugin​ ដែល​ត្រូវ​នឹង​ Platform​ របស់​ខ្លួន​ នោះ​លោក​អ្នក​នឹង​អាច​ទទួល​ការ​ទូទាត់​អន​ឡាញ​បានជា​ស្រេច​។​

​ជាមួយ​ PayWay​ Plugin​ លោក​អ្នក​មិន​ចាំបាច់​ជួល​អ្នកជំនាញ​ ឬ​ ក្រុម​ IT​ មក​ដំឡើង​ PayWay​ ចូល​ក្នុង​វិ​ប​សាយ​របស់​លោក​អ្នក​ឡើយ​។​ ដំណើរការ​ដំឡើង​ពី​ដើម​ដល់​ចប់​ មាន​ភាព​ងាយស្រួល​ និង​ចំណាយពេល​តិច​បំផុត​។​ ដូច្នេះ​ លោក​អ្នក​អាច​ដាក់​លក់​ផលិតផល​ ឬ​សេវាកម្ម​របស់​លោក​អ្នក​តាម​អន​ឡាញ​បាន​ដោយ​គ្រាន់តែ​ចុច​ពីរ​បី​ប៉ក់​ប៉ុណ្ណោះ​។​

​ក្រោយ​ពេល​ដំឡើង​ PayWay​ Plugin​ ចូល​ទៅ​ក្នុង​ Platform​ របស់​លោក​អ្នក​រួចរាល់​ហើយ​ លោក​អ្នក​នឹង​អាច​ទទួល​ការ​ទូទាត់​ពី​កាត​ Visa,​ Mastercard,​ UnionPay​ International​ (UPI)​ ទាំង​កាត​ឥណ​ពន្ធ​ និង​កាត​ឥណទាន​ ក៏​ដូច​ជាតា​មរយៈ​ ABA​ PAY​ (​ទូទាត់​ផ្ទាល់​ពី​គណនី​ ABA​ របស់​លោក​អ្នក​)​។​ សម្រាប់​មុខងារ​ទូទាត់​ផ្សេងៗ​ទៀត​ នឹង​មាន​ដាក់​ឲ្យ​ប្រើ​នា​ពេល​ខាង​មុខ​នេះ​។​

រាល់​ទិន្នន័យ​ប្រតិបត្តិការ​ត្រូវ​បាន​រក្សា​ទុក​យ៉ាង​មាន​សុវត្ថិភាព​ និង​ត្រូវ​បាន​ត្រួតពិនិត្យ​ដោយ​ក្រុម​ការពារ​សន្តិសុខសុវត្ថិភាព​របស់​យើង​។​ ការ​ទូទាត់តាម​កាត​ Visa​ និង​ Mastercard​ ក៏​ទទួល​បាន​ ការការពារ​បន្ថែម​ជាមួយ​ប្រព័ន្ធ​ 3D-Secure1​ ផង​ដែរ​។​​
1 លក្ខខណ្ឌនានាត្រូវអនុវត្ត។

Plugin​ ដែល​មាន​ស្រាប់

ABA​ PayWay​ plugin​ សម្រាប់​ WooCommerce​ (WordPress)

ដោនឡូត

ABA​ PayWay​ plugin​ សម្រាប់​ Magento e-commerce​

ABA​ PayWay​ plugin​ សម្រាប់ Prestashop e-commerce​

Platform​ ដែល​លោក​អ្នក​ចង់​ប្រើ​តែមិន​មាន​ក្នុង​នេះ​មែន​ទេ​?

​ប្រសិនបើ​លោក​អ្នក​ចង់​ប្រើ​ PayWay​ ដើម្បី​បង្កើន​ការ​លក់​អន​ឡាញ​របស់​លោក​អ្នក​ ហើយ​ដំណោះស្រាយ​ទូទាត់​ដែល​យើង​ផ្តល់​ជូន​មិន​មាន​ក្នុង​បញ្ជី​ខាងលើ​ សូម​ទាក់ទង​មក​យើងខ្ញុំ​តាម​រយៈ​ទូរស័ព្ទ​លេខ​ 023​ 225​ 333​ ឬ​​អុីម៉ែលម​ក​ [email protected]remove-this.ababank.com។​

លក្ខខណ្ឌទូទៅ, លក្ខខណ្ឌសម្រាប់ធនាគារអនឡាញ និង លក្ខខណ្ឌប្រើប្រាស់ ABA Mobile ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader