លីងទូទាត់

មុខងារ លីងទូទាត់ នៅក្នុងកម្មវិធី PayWay Mobile មានសម្រាប់អាជីវកម្មនានា ជាពិសេស អ្នកលក់អនឡាញ និងអ្នកផ្តល់សេវាកម្ម ដើម្បីឆ្លើយតបនឹងការស្នើសុំទូទាត់ពីអតិថិជនរបស់ពួកគេឲ្យកាន់តែលឿន ដោយបង្កើតនូវលីងទូទាត់ដែលអាចមានទាំងតម្លៃទំនិញ ព័ត៌មានលម្អិតអំពីផលិតផល និងសេវាកម្ម និងរូបថត។

ជាមួយមុខងារដ៏មានប្រយោជន៍នេះ អតិថិជនរបស់អ្នកលែងត្រូវការឧបករណ៍ពីរទៀតហើយដើម្បីស្គែនលេខកូដ QR នោះ។ ពួកគេគ្រាន់តែចុចលើលីងទូទាត់ដែលអ្នកចែករំលែកជាមួយពួកគេតាមរយៈកម្មវិធីផ្ញើសារ និងធ្វើការទូទាត់បានភ្លាមៗជាមួយកម្មវិធី ABA Mobile នៅលើទូរស័ព្ទស្មាតហ្វូនរបស់ពួកគេ។

បង្កើត៖
បង្កើតលីងទូទាត់បានច្រើនតាមតម្រូវការបានភ្លាមៗ

ចែករំលែក៖
លីងអាចចែករំលែកបានយ៉ាងងាយស្រួលតាមកម្មវិធីផ្ញើសារ

ទទួលទូទាត់៖
ទទួលទូទាត់បានភ្លាមៗជាប្រាក់រៀល ឬប្រាក់ដុល្លារអាមេរិក

របៀបបង្កើតលីងទូទាត់

បើកកម្មវិធី PayWay Mobile
បញ្ចូលតម្លៃ និងប៊ូតុង ចែករំលែក
ប្រសិនបើចាំបាច់ បន្ថែមការពិពណ៌នាខ្លីៗអំពីអ្វីដែលអ្នកដាក់តម្លៃ និង/ឬភ្ជាប់រូបភាពដោយចុចលើរូបសញ្ញាកាមេរ៉ា
Select Copy if you want to save the link or Share to send it out immediately;
ជ្រើសរើសកម្មវិធីផ្ញើសារ¹ ដែលអ្នកចេញចិត្ត ហើយផ្ញើចេញ។

_{¹ កម្មវិធី Facebook Messenger, Instagram, Telegram, WhatsApp, អ៊ីមែល ឬសារ SMS និងកម្មវិធីជាច្រើនទៀត។}

ទទួលយកកម្មវិធី PayWay Mobile

កម្មវិធី PayWay Mobile អាចប្រើប្រាស់បានដោយឥតគិតថ្លៃ និងមាននៅលើ Apple App Store និង Google Play Store។

ដើម្បីចាប់ផ្តើមទទួលទូទាត់តាមកូដ QR ដោយប្រើកម្មវិធី PayWay Mobile អ្នកចាំបាច់ត្រូវមានគណនីសន្សំ ABA ឬគណនីសន្សំតាមទូរស័ព្ទដៃ។

ប្រសិនបើអ្នកមិនទាន់មានគណនី ABA ទេ សូមចូលទៅកាន់ គណនីរហ័ស ដើម្បីបើកគណនីធនាគារដំបូងរបស់អ្នកតាមកម្មវិធី ABA Mobile ដោយមិនបាច់អញ្ជើញទៅធនាគារ (ត្រូវមានអត្តសញ្ញាណប័ណ្ណសញ្ជាតិខ្មែរ និងលេខទូរស័ព្ទ)។

ត្រូវការជំនួយ?
សំណួរចម្លើយ

ប្រសិនបើអ្នកមានចម្ងល់ណាមួយអំពីកម្មវិធិ PayWay Mobile សូមទូរស័ព្ទមកកាន់យើងខ្ញុំគ្រប់ពេលវេលាតាមទូរស័ព្ទលេខ 023 225 333 ឬឆាតជាមួយយើងខ្ញុំតាម ផេក Facebook ឬវិបសាយធនាគារ។

តើលីងទូទាត់ជាអ្វី?

លីងទូទាត់ រួមមានព័ត៌មានអំពីចំនួនទឹកប្រាក់ត្រូវទូទាត់ ការពិពណ៌នាអំពីផលិតផល/សេវាកម្ម រូបភាពដែលពាណិជ្ជករអាចប្រមូលការទូទាត់ពីអតិថិជនរបស់ខ្លួនពីចម្ងាយដោយគ្រាន់តែប៉ះ/ចុចលើលីងដែលទទួលបាន។

ហេតុអ្វីពាណិជ្ជករត្រូវការលីងទូទាត់?

លីងទូទាត់មានអត្ថប្រយោជន៍សម្រាប់ពាណិជ្ជករដែលចង់ផ្តល់ជម្រើសទូទាត់ផ្សេងមួយទៀតដល់អតិថិជនរបស់ខ្លួនដែលចង់ទូទាត់ពីចម្ងាយ ឬអ្នកលក់អនឡាញដែលចង់ដាក់លីងទូទាត់លើផលិតផលនីមួយៗរបស់ខ្លួន។

របៀបបង្កើតលីងទូទាត់?

នៅលើផ្ទាំងអេក្រង់ដើមនៃកម្មវិធី PayWay Mobile បញ្ចូលចំនួនទឹកប្រាក់ បន្ទាប់មកចុចប៊ូតុង ចែករំលែក។ បញ្ចូលការពិពណ៌នាអំពីផលិតផល/សេវាកម្ម និងភ្ជាប់ជាមួយរូបភាព ប្រសិនបើចាំបាច់។ ចុចប៊ូតុង ចែករំលែក ឬកូពី ដើម្បីចែករំលែកលីងទៅកាន់អតិថិជន។

តើលីងអាចបង្កើតដោយមិនបាច់មានការពិពណ៌នាអំពីផលិតផល/សេវាកម្ម និងរូបភាព បានដែរឬទេ?

បាទ/ចាស៎ ពិតជាអាច។ ការពិពណ៌នាអំពីផលិតផល/សេវាកម្ម និងរូបភាព គ្រាន់តែជាជម្រើសសម្រាប់ ការបង្កើតលីងទូទាត់។

ពាណិជ្ជករចង់ផ្ញើលីងទូទាត់ទៅកាន់អតិថិជនរបស់ខ្លួន។ តើពាណិជ្ជករគួរធ្វើយ៉ាងណា?

នៅលើប្រអប់លីងទូទាត់ ចុចលើប៊ូតុង ចែករំលែក ដើម្បីផ្ញើលីងនោះតាមបណ្តាញដែលអ្នកជ្រើសរើស ដូចជា Facebook messenger, Telegram ឬអ៊ីមែលទៅកាន់អតិថិជន។ ពាណិជ្ជករអាចចុចលើប៊ូតុង កូពី ដើម្បីកូពី និង paste លីងនោះនៅកន្លែងណាមួយ ដូចជាផេក Facebook Shops។

បន្ទាប់ពីអតិថិជនទទួលបានលីងនោះពីពាណិជ្ជករ តើអតិថិជនអាចធ្វើអ្វីបានខ្លះជាមួយលីងនោះ?

អតិថិជនអាចបើកលីងនោះនៅលើកុំព្យូទ័រ ឬទូរស័ព្ទដៃ។ ប្រសិនបើអតិថិជនប្រើប្រាស់កុំព្យូទ័រដើម្បីចុចលើលីងនោះ វានឹងបង្ហាញកូដ QR នៅលើកម្មវិធីស្វែងរក (browser)។ អតិថិជនអាចទូទាត់ជាមួយ ABA Pay ដោយគ្រាន់តែស្គែនកូដ QR ដោយប្រើកម្មវិធី ABA Mobile។ ប្រសិនបើអតិថិជនបើកលីងនោះតាមទូរស័ព្ទដៃដែលមានដំឡើងកម្មវិធី ABA Mobile នោះកម្មវិធីនឹងបើកដោយស្វ័យប្រវត្តិ ហើយអតិថិជនអាចទូទាត់ដោយប្រើ ABA Pay។

តើអាចចែករំលែកលីងដដែលៗទៅអតិថិជនជាច្រើនបានដែរឬទេ?

ពិតជាអាច លីងមួយដដែលអាចចែករំលែកទៅអតិថិជនបានច្រើន ប៉ុន្តែវាអាចប្រើសម្រាប់ទទួលតែការទូទាត់ប៉ុណ្ណោះ។ ប្រសិនបើអតិថិជនធ្វើការទូទាត់ដោយប្រើលីងនេះ វានឹងលែងមានសុពលភាព។

តើមានអ្វីកើតឡើង ប្រសិនបើអតិថិជនទទួលបានលីង និងបើកលីងនោះ ប៉ុន្តែមិនបានទូទាត់?

ពាណិជ្ជករនឹងមិនទទួលបានការទូទាត់ ហើយលីងនេះនឹងនៅមានសុពលភាពរយៈពេល 30 ថ្ងៃចាប់ពីកាលបរិច្ឆេទទទួល។

ជាមួយលីងទូទាត់នេះ តើអតិថិជនអាចធ្វើការទូទាត់បានតែពី ABA Pay ប៉ុណ្ណោះឬ?

អតិថិជនអាចធ្វើការទូទាត់បានជាមួយ ABA Pay ប៉ុណ្ណោះ។

តើអតិថិជនធ្វើការទូទាត់ជាមួយកាត Visa/Mastercard/UPI ដោយរបៀបណា?

នៅពេលនេះ ការទូទាត់កាតមិនទាន់មានសម្រាប់លក្ខខណ្ឌនេះទេ។

លក្ខខណ្ឌទូទៅ លក្ខខណ្ឌសម្រាប់ធនាគារអនឡាញ និង លក្ខខណ្ឌប្រើប្រាស់ PayWay Mobile ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។

​លីង​ទូទាត់​

​របៀប​បង្កើត​លីង​ទូទាត់​

​ទទួលយក​កម្មវិធី​ PayWay​ Mobile

លីងទូទាត់

របៀបបង្កើតលីងទូទាត់

ទទួលយកកម្មវិធី PayWay Mobile