FREE បន្ថែមសម្រាប់កាតនិម្មិត នៅលើកម្មវិធី ABA Mobile
06/Apr/2018
អតិថិជនជាទីគោរព៖
ដោយវាជាផ្នែកមួយនៃការធ្វើកំណែទម្រង់កម្មវិធី ABA Mobile និងដើម្បីនាំមកនូវភាពងាយស្រួលបន្ថែមទៀតដល់អ្នកប្រើប្រាស់កម្មវិធីនេះ យើងបានបើកបន្ថែមចំនួននៃការ FREE កាតនិម្មិត កាន់តែច្រើនជាងមុនទៀតនៅក្នុងកម្មវិធី ABA Mobile។ ចាប់ពីឥឡូវនេះទៅលោកអ្នកអាចបើកកាតនិម្មិតបានរហូតទៅដល់ 10កាត (ទាំង VISA និង Mastercard) ដោយគ្មានការបង់កម្រៃអ្វីអ្វីទាំងអស់។
បន្ទាប់ពីបើកហើយ លោកអ្នកអាចប្រើកាតនិម្មិតនេះបានយ៉ាងងាយស្រួល និងមានសុវត្ថិភាព ដូចកាតធនាគារធម្មតារបស់លោកអ្នកដែរ។ អ្នកអាចប្រើវាបានលើគ្រប់វិបសាយដែលទទួលយកការទូទាត់តាម VISA, Mastercard ឬអាចប្រើប្រាស់វាជាមួយ Apple AppStore ឬ Google PlayStore ក៏បាន! ដូចពីមុនយ៉ាងដូច្នេះដែរ ការប្រើប្រាស់កាតនិម្មិតនេះ មិនមានការគិតថ្លៃប្រតិបត្តិការ ឬសេវាប្រចាំខែអ្វីទាំងអស់ ដែលនេះជាជម្រើសប្រសើរបំផុតសម្រាប់លោកអ្នក ក្នុងការទិញទំនិញអនឡាញ។
ដើម្បីបើកកាតនិម្មិត លោកអ្នកគ្រាន់តែបើកកម្មវិធី ABA Mobile ពីក្នុងស្មាតហ្វូនរបស់លោកអ្នក ហើយចុចប៊ូតុង កាតនិម្មិត រួចធ្វើតាមការណែនាំជាការស្រេច។ ពីក្នុងស្មាតហ្វូន លោកអ្នកអាចធ្វើការកំណត់ការចាយវាយប្រចាំថ្ងៃ ឬលោកអ្នកអាចបិទ (Block) កាតជាបណ្តោះអាសន្ន នៅពេលដែលលោកអ្នកមិនចង់ប្រើប្រាស់ ហើយអាចបើកវិញ (Unblock) បានគ្រប់ពេលវេលា។
ដើម្បីស្វែងយល់ពីមុខងារបន្ថែម សូមចូលទៅកាន់ទំព័រ កាតនិម្មិត។ សម្រាប់ព័ត៌មានបន្ថែមពីកម្មវិធី ABA Mobile សូមចុចត្រង់នេះ។
មិនទាន់មានគណនីធនាគារ ABA មែនទេ? សូមមើលព័ត៌មានពីគណនីដែលសាកសមនឹងលោកអ្នក ហើយស្នើសុំបើកគណនីរបស់លោកអ្នកតាមរយៈ ទំព័របើកគណនីអនឡាញ របស់យើងឥឡូវនេះ!
