សេវា E-Cash

កម្មវិធី ABA Mobile ក៏នាំមកជូនលោកអ្នកនូវសេវា ECash ផងដែរ។ ជាវិធីងាយស្រួលហើយមានសុវត្ថិភាពក្នុងការផ្ញើប្រាក់ទៅកាន់មិត្តភក្តិគ្រួសារ ឬក៏ ខ្លួនឯងផ្ទាល់តាមរយៈទូរស័ព្ទ។ ចំណុចពិសេសនោះ គឺថាអ្នកមិនចាំបាច់មានកាតធនាគារដើម្បីធ្វើការដកប្រាក់នោះឡើយ។

លក្ខខណ្ឌ

លក្ខខណ្ឌតម្រូវ	អតិថិជនដែលប្រើកម្មវិធី ABA Mobile
គណនីដែលប្រើបាន	គណនីចរន្ត ឬ គណនីសន្សំណាមួយ (លើកលែងគណនីបញ្ញើកំណត់)
រូបិយប័ណ្ណ	ប្រាក់ដុល្លារ ឬ ប្រាក់រៀល
ចំនួនទឹកប្រាក់តិចបំផុតក្នុងមួយប្រតិបត្តិការ	20ដុល្លារ ឬ 50,000រៀល
ចំនួនទឹកប្រាក់ច្រើនបំផុតក្នុងមួយប្រតិបត្តិការ	980ដុល្លារ ឬ 2,000,000រៀល
លក្ខខណ្ឌនៃការគិតថ្លៃសេវា	ថ្លៃសេវាមិនអាចប្រគល់ត្រលប់មកវិញបានទេ (ប្រសិនបើអតិថិជនមិនបានដកប្រាក់ពីម៉ាស៊ីន ATM ក្នុងរយៈពេល 24ម៉ោង) ចំនួនទឹកប្រាក់តាម E-cash (ចំនួនប្រាក់ដើម) ប្រគល់ត្រលប់ទៅវិញ ប្រសិនបើអតិថិជនមិនដកប្រាក់ពីម៉ាសុីន ATM ក្នុងរយៈពេល 24ម៉ោង
សុពលភាពលេខកូដ E-Cash	24ម៉ោង
ចំនួនទឹកប្រាក់កំណត់សំរាប់ប្រតិបត្តិការ (ក្នុងមួយថ្ងៃ)	980ដុល្លារ ឬ 3,900,000រៀល

_{លក្ខខណ្ឌទាំងអស់ត្រូវអនុវត្តតាមឆន្ទានុសិទ្ធិរបស់ធនាគារ ABA ដោយមិនចាំបាច់ជូនដំណឹងជាមុន។}

ចំនួន¹	សេវា
20 -100	0.10
120 - 200	0.20
220 - 300	0.30
320 - 400	0.40
420 - 500	0.50
520 - 600	0.60
620 - 700	0.70
720 - 800	0.80
820 - 900	0.90
920 – 980	1.00

_{¹ ចំនួនទឹកប្រាក់ដែលអាចដកបាន ត្រូវតែជាលទ្ធផលនៃតួលេខណាមួយគុណនឹង 20។}

ចំនួន²	សេវា
50,000 - 400,000	400
450,000 - 800,000	800
850,000 - 1,200,000	1,200
1,250,000 - 1,600,000	1,600
1,650,000 - 2,000,000	2,000
2,050,000 - 2,400,000	2,400
2,450,000 - 2,800,000	2,800
2,850,000 - 3,200,000	3,200
3,250,000 - 3,600,000	3,600
3,650,000 - 3,900,000	4,000

_{² ចំនួនទឹកប្រាក់ដែលអាចដកបាន ត្រូវតែជាលទ្ធផលនៃតួលេខណាមួយគុណនឹង 50,000 អតិបរមា 2,000,000 រៀលក្នុងមួយប្រតិបត្តិការ។}

របៀបប្រើសេវា E-Cash

ចូលទៅកម្មវិធី ABA Mobile រួចចុច E-Cash
រើសរើសគណនី¹ណាមួយ ដែលត្រូវផ្ញើទៅកាន់ ATM
បំពេញចំនួនទឹកប្រាក់²ដែលអ្នកចង់ផ្ញើ
ចុចលើពាក្យ ‘ផ្ញើ’ ដើម្បីចាប់ផ្តើមប្រតិបត្តិការផ្ញើ

_{¹ជ្រើសរើសគណនីដុល្លារប្រសិនបើអ្នកផ្ញើជាប្រាក់ដុល្លារ និងជ្រើសរើសគណនីប្រាក់រៀលបើអ្នកចង់ផ្ញើជាប្រាក់រៀល។
²ចំនួនដែលអាចដកបានគឺពី 10 – 200 ដុល្លា ឬពី 10,000 – 400,000 រៀលក្នុងមួយប្រតិបត្តិការ។ ចំនួនទឹកប្រាក់កំណត់ដកបានក្នុងមួយថ្ងៃគឺ 200 ដុល្លា ឬ 800,000 រៀល។}

បន្ទាប់មក អ្នកនឹងឃើញលេខសម្ងាត់ 6 ខ្ទង់ដែលអ្នកឫអ្នកទទួលត្រូវការដើម្បីដកប្រាក់ពីម៉ាស៊ីន ATM។ អ្នកអាចផ្ញើរលេខកូដសម្ងាត់នេះទៅកាន់សាច់ញាតិរបស់អ្នកបានដោយប្រើ ប៊ូតុង ពណ៌ក្រហមដែលមាននៅលើអេក្រង់របស់កម្មវិធីក្នុងទូរស័ព្ទដៃរបស់អ្នក (SMS, Messenger, Facebook ជាដើម)។ ក្រៅពីនេះ លេខកូដសម្ងាត់នឹងលេចឡើងនៅលើសារជូនដំណឹងឫក៏អាចរកបាន ក្នុង ផ្នែក Notifications ។

របៀបដកសាច់ប្រាក់

ដើម្បីដកសាច់ប្រាក់តាមរយៈសេវាកម្ម E-Cash អ្នកទទួលត្រូវតែអនុវត្តន៏ដូចខាងក្រោម៖

ទៅកាន់ ATM ណាមួយរបស់ធនាគារ ABA ដែលនៅជិតអ្នក
ចុចប៊ូតុង “Accept” ឫ “Enter” ដើម្បីដំណើរការ ATM
ជ្រើសរើសភាសា
ចុចប៊ូតុង អ៊ីខេស ដែលមាននៅលើអេក្រង់
ជ្រើសរើសប្រភេទរូបិយបណ្ណ័ (ដុល្លារ ឬរៀល)
វាយបញ្ចូលចំនួនទឹកប្រាក់ដូចគ្នានឹងទឹកប្រាក់ដែលបានផ្ញើ
វាយបញ្ចូលលេខសម្ងាត់ទាំង 6ខ្ទង់ របស់ E-Cash។

ដោនឡូតកម្មវិធី ABA Mobile

ដើម្បីចាប់ផ្តើមប្រើប្រាស់សេវា E-Cash អ្នកត្រូវដោនឡូត និងចុះឈ្មោះជាមួយ ABA Mobile។ សូមចុចរូបភាពខាងក្រោម ដើម្បីទាញយកកម្មវិធី ABA Mobile ពី Apple Store ឬ Google Play Store។ បន្ទាប់ពីទាញយករួចហើយ គ្រាន់តែអនុវត្តតាមការណែនាំជាការស្រេច!

លក្ខខណ្ឌទូទៅ, លក្ខខណ្ឌសម្រាប់ធនាគារអនឡាញ និង លក្ខខណ្ឌប្រើប្រាស់ ABA Mobile ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។