ភ្នាក់ងារ SmartLuy

ធនាគារABA បានចាប់ដៃគូជាមួយ Smart Axiata ដើម្បីផ្តល់សេវាបង់កម្ចីធនាគារបានងាយស្រួលដល់អតិថិជនរបស់ខ្លួន តាមរយៈបណ្តាញភ្នាក់ងាររបស់ SmartLuy ជាង 1,130កន្លែង នៅទូទាំងប្រទេស។ ជាមួយនឹងថ្លៃសេវាទាបចាប់ពី 0.25 ដុល្លារ ឬ 1,000 រៀល លោកអ្នកអាចបញ្ចូលទឹកប្រាក់ទៅក្នុងគណនីធនាគារ ABA របស់អ្នកបានយ៉ាងស្រួល តាមរយៈភ្នាក់ងារ SmartLuy ដែលនៅជិតកន្លែងធ្វើការ ឬនៅជិតផ្ទះរបស់អ្នកជាងម៉ាស៊ីនដាក់ប្រាក់ ឬសាខារបស់ធនាគារ ABA។

រីករាយជាមួយនឹងការដាក់ប្រាក់ចូលគណនី ABA របស់អ្នកយ៉ាងឆាប់រហ័ស និងមានតម្លៃថោក តាមរយៈភ្នាក់ងារ SmartLuy!

ថ្លៃសេវាដាក់ប្រាក់
សំនួរចម្លើយ

ថ្លៃសេវាដាក់ប្រាក់ចូលគណនី ABA តាមរយៈភ្នាក់ងារ SmartLuy មានតម្លៃសមរម្យ និងត្រូវបានគិតជាប្រាក់ដុល្លារ និងប្រាក់រៀលដូចខាងក្រោម៖

រូបិយប័ណ្ណ ប្រាក់ដុល្លា

ចំនួន	ថ្លៃសេវា	ចំនួនអតិ/ថ្ងៃ
<$100.49	$0.25	$5,000
$100.49 – 3,00.49	$0.38
>$300.49	$1.00

រូបិយប័ណ្ណ ប្រាក់រៀល

ចំនួន	ថ្លៃសេវា	ចំនួនអតិ/ថ្ងៃ
<401,900រៀល	1,000រៀល	20លានរៀល
401,900 – 1,201,900រៀល	1,500រៀល
>1,201,900រៀល	4,000រៀល

តើអ្វីជាសេវាផ្ទេរប្រាក់ ឬដាក់ប្រាក់រវាង ABA និង SmartLuy?

វាគឺជាសេវាភ្ជាប់ឬបញ្ចូលគ្នារវាងធនាគារ ABA និង SmartLuy ដែលអតិថិជន ABA អាចបង់ប្រាក់កម្ចីរបស់ខ្លួនតាមភ្នាក់ងារផ្ទេរប្រាក់របស់ SmartLuy ទូទាំងប្រទេស។

ធ្វើម៉េចទើបខ្ញុំអាចបង់កម្ចី ABA តាម SmartLuy បាន?

អ្នកអាចដាក់ប្រាក់តាមចំនួនដែលត្រូវដាក់នៅតាមភ្នាក់ងារផ្ទេរប្រាក់ SmartLuy ដែលមានទីតាំងនៅជិតផ្ទះ ឬកន្លែងការងាររបស់អ្នក។ ក្រោយដាក់ប្រាក់រួច ទឹកប្រាក់នោះនឹងចូលទៅក្នុងគណនីដែលត្រូវបង់កម្ចីនៅធនាគារ ABA ភ្លាមៗ។

តើព័ត៌មានអ្វីខ្លះ ដែលខ្ញុំត្រូវផ្តល់ឲ្យភ្នាក់ងារ SmartLuy ដើម្បីបង់កម្ចីរបស់ខ្ញុំដល់ធនាគារ ABA?

អ្នកត្រូវផ្តល់លេខគណនី ABA ទាំង 9ខ្ទង់, លេខទូរស័ព្ទផ្ទាល់ខ្លួន, និងចំនួនសាច់ប្រាក់ (ជាប្រាក់ដុល្លារ ឬប្រាក់រៀល) រួមទាំងថ្លៃសេវាទៅឲ្យភ្នាក់ងារ SmartLuy ជាការស្រេច។

តើខ្ញុំអាចរកភ្នាក់ងារមានសិទ្ធិរបស់ SmartLuy ដើម្បីបង់កម្ចីរបស់ខ្ញុំទៅធនាគារ ABA បានយ៉ាងដូចម្តេច?

ដើម្បីទទួលបានព័ត៌មានថ្មីៗពីភ្នាក់ងារ SmartLuy សូមទូរស័ព្ទទៅកាន់ផ្នែកផ្ដល់ព័ត៌មាន SmartLuy តាមរយៈលេខ 010 200 788។

ក្រៅពីបង់កម្ចី តើខ្ញុំអាចផ្ញើប្រាក់ទៅគណនីមិត្តភក្តិ ឬសាច់ញាតិរបស់ខ្ញុំដែលមានគណនី ABA តាមរយៈភ្នាក់ងារ SmartLuy បានដែរឬទេ?

អ្នកអាចធ្វើបាន។

តើខ្ញុំត្រូវធ្វើដូចម្តេចប្រសិនបើខ្ញុំផ្តល់លេខគណនីមិនត្រឹមត្រូវ ហើយប្រាក់របស់ខ្ញុំត្រូវបានផ្ទេររួចទៅហើយ?

អ្នកត្រូវប្រាប់ភ្នាក់ងារភ្លាមៗ ដើម្បីឲ្យគាត់អាចទាក់ផ្នែកផ្ដល់ព័ត៌មាន SmartLuy ធ្វើការទប់ស្កាត់ទាន់ពេលវេលា។ចំណាំ៖ រាល់ពេលដាក់ប្រាក់ ភ្នាក់ងារ SmartLuy តែងតែផ្ទៀងផ្ទាត់ព័ត៌មាន ជាមួយអ្នកដើម្បីបញ្ជាក់ថាច្បាស់លាស់ជាមុនសិន មុនធ្វើប្រតិបត្តការ។ ដូច្នេះសូមពិនិត្យឲ្យបានត្រឹមត្រូវ ហើយស្នើឲ្យភ្នាក់ងារកែតម្រូវលេខគណនីរបស់អ្នកភ្លាមៗ ប្រសិនបើអ្នកយល់ថាវាខុស។ សូមរក្សាទុកបង្កាន់ដៃ ដែលទទួលបានពីភ្នាក់ងារដើម្បីទុកជាឯកសារយោង ឬភ័ស្តុតាង។

តើខ្ញុំអាចសុំឲ្យសាច់ញាតិរបស់ខ្ញុំបង់កម្ចីជំនួសខ្ញុំបានទេ?

អាចឲ្យសាច់ញាតិដាក់ជំនួសបាន។ សូមប្រាកដថាសាច់ញាតិរបស់អ្នកស្គាល់លេខគណនី ABA ទាំង 9ខ្ទង់ របស់អ្នកបានត្រឹមត្រូវ ហើយផ្តល់នូវចំនួនសាច់ប្រាក់ត្រឹមត្រូវ (ជាដុល្លារ ឬរៀល) រួមទាំងកម្រៃសេវាទៅឲ្យភ្នាក់ងារ SmartLuy។

តើខ្ញុំត្រូវធ្វើដូចម្តេច ប្រសិនបើខ្ញុំបានបង់កម្ចីរបស់ខ្ញុំតាមរយៈភ្នាក់ងារ SmartLuy ប៉ុន្តែមន្ត្រីឥណទានរបស់ធនាគារ ABA នៅតែតេមកខ្ញុំឲ្យទៅបង់កម្ចីទៀត?

ក្នុងករណីបែបនេះ សូមផ្ញើរូបថតបង្កាន់ដៃរបស់អ្នក ទៅមន្ត្រីឥណទានរបស់ធនាគារ ABA តាមរយៈបណ្តាញសង្គម សម្រាប់ជាឯកសារយោង ឬជាភ័ស្តុតាង។ ឬក៏អ្នកអាចតេមកផ្នែកផ្ដល់ព័ត៌មាន SmartLuy តាមលេខ 010 200 788 សម្រាប់ជំនួយ។

តើខ្ញុំនឹងទទួលបានសារជូនដំណឹងនៅក្នុងកម្មវិធី ABA Mobile របស់ខ្ញុំដែរឬទេ បន្ទាប់ពីខ្ញុំបានបង់កម្ចីតាមរយះភ្នាក់ងារ SmartLuy?

អ្នកនឹងទទួលបានសារជូនដំណឹងដែលបញ្ជាក់ថាអ្នកបានដាក់ប្រាក់រួចរាល់។

តើថ្លៃសេវាបង់កម្ចីតាមភ្នាក់ងារ SmartLuy មានតម្លៃដូចម្តេច?

តម្លៃសេវា គឺអាស្រ័យលើចំនួនទឹកប្រាក់ដែលអ្នកបង់។ សូមពិនិត្យមើលតារាងតម្លៃសេវាដាក់ប្រាក់លំអិត។ចំណាំ៖ ថ្លៃសេវាត្រូវបង់ដោយឡែកពីចំនួនទឹកប្រាក់ដែលអ្នកចង់ដាក់ទៅគណនីធនាគារ ABA របស់អ្នក។

តើទឹកប្រាក់អប្បបរមា និងអតិបរមាក្នុងមួយប្រតិបត្តិការសម្រាប់ការបង់កម្ចីតាមភ្នាក់ងារ SmartLuy មានចំនួនប៉ុន្មាន?

ចាប់ពី 1 – 5,000ដុល្លារ ឬ 4,000 – 20,000,000រៀល ក្នុងមួយប្រតិបត្តិការ។

តើក្នុងរយៈពេលមួយថ្ងៃ ខ្ញុំអាចដាក់ប្រាក់ច្រើនដង ទៅក្នុងគណនី ABA តាមភ្នាក់ងារ SmartLuy បានដែរឬទេ?

អ្នកអាចដាក់បានច្រើនដងក្នុងមួយថ្ងៃ។ រាល់ប្រតិបត្តិការថ្មីទាំងអស់ ត្រូវបង់ថ្លៃសេវាថ្មី។ សម្រាប់ព័ត៌មានលំអិត សូមពិនិត្យមើលតារាងកម្រៃសេវាដាក់ប្រាក់។

ចុះបើខ្ញុំទៅដាក់លុយនៅកន្លែងផ្ទេរប្រាក់ SmartLuy ហើយគេថាគេមិនបានដឹង ឬមិនចេះសេវាកម្មនេះទេ តើខ្ញុំត្រូវធ្វើយ៉ាងដូចម្តេច?

សូមលោកអ្នកជួយប្រាប់ឈ្មោះ និងលេខទូរស័ព្ទកន្លែងផ្ទេរប្រាក់នោះ មកផ្នែកបម្រើអតិថិជនរបស់យើងខ្ញុំតាមរយៈ Messenger នៃទំព័រ Facebook ABA ឬ តាមរយៈលេខ 023 225 333។ យើងនឹងធ្វើការជាមួយ Speed Pay ដើម្បីដោះស្រាយបញ្ហានេះ។

ជំហានងាយៗក្នុងការផ្ទេរប្រាក់ពីភ្នាក់ងារ SmartLuy ទៅកាន់គណនី ABA របស់អ្នក

អញ្ជើញទៅកាន់ភ្នាក់ងារផ្ទេរប្រាក់របស់ SmartLuy ដែលនៅជិតអ្នកបំផុត (ដើម្បីដឹងថាភ្នាក់ងារណានៅជិតជាងគេ សូមមើលទីតាំងរបស់ភ្នាក់ងារនៅលើផែនទី ឬតេមកកាន់ផ្នែកគាំទ្ររបស់ SmartLuy លេខ 010 200 788)។
ប្រាប់លេខគណនី ABA ទាំង 9ខ្ទង់ ដល់ភ្នាក់ងារ SmartLuy ព្រមទាំងលេខទូរស័ព្ទផ្ទាល់ខ្លួន និងប្រគល់សាច់ប្រាក់ជាដុល្លារ ឬរៀលតាមចំនួនដែលត្រូវដាក់ ហើយបង់ថ្លៃសេវាជាការស្រេច។
រួចហើយ អ្នកនឹងទទួលបានវិក្កយបត្រពីភ្នាក់ងារផ្ទេរប្រាក់ SmartLuy ដើម្បីបញ្ជាក់ពីការផ្ទេរប្រាក់បានជោគជ័យ។

ជីវិតកាន់តែងាយស្រួលជាមួយ ABA Mobile app!

ក្រោយពីដាក់ប្រាក់ចូលគណនីរួច អ្នកអាចឆែកមើលទឹកប្រាក់បានយ៉ាងងាយ តាមកម្មវិធី ABA Mobile ដ៏មានសុវត្ថិភាព និងងាយស្រួលប្រើ។ កម្មវិធីនេះ Free ទាំងដោនឡូត និងប្រើប្រាស់។

ចុចលើសញ្ញាខាងក្រោម ដើម្បីដោនឡូតកម្មវិធីពី App Store ឬ Play Store។ ក្រោយដោនឡូតរួច អ្នកគ្រាន់តែអនុវត្តតាមការណែនាំលើអេក្រង់ នោះអ្នកអាចប្រើបានភ្លាម!

លក្ខខណ្ឌទូទៅ នឹងត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។

ភ្នាក់ងារ SmartLuy

រូបិយប័ណ្ណ ប្រាក់ដុល្លា

រូបិយប័ណ្ណ ប្រាក់រៀល

ជំហាន​ងាយៗ​ក្នុង​ការ​ផ្ទេរ​ប្រាក់​ពី​ភ្នាក់ងារ​ SmartLuy​ ទៅ​កាន់​គណនី​ ABA​ របស់​អ្នក

ជីវិត​កាន់តែ​ងាយស្រួល​ជាមួយ​ ABA​ Mobile​ app!

ជំហានងាយៗក្នុងការផ្ទេរប្រាក់ពីភ្នាក់ងារ SmartLuy ទៅកាន់គណនី ABA របស់អ្នក

ជីវិតកាន់តែងាយស្រួលជាមួយ ABA Mobile app!