អំពីធនាគារ

ធនាគារ​ ABA​ គឺជា​គ្រឹះស្ថាន​ហិរញ្ញវត្ថុ​ឯកជន​ឈានមុខ​មួយ​របស់​កម្ពុជា​ (​សហគ្រាស​ឯកជន​)​ ដែល​ត្រូវ​បាន​បង្កើត​ឡើង​ក្នុង​ឆ្នាំ​1996​ មានឈ្មោះ​ថា​ ធនាគារ​វឌ្ឍនៈ​ អាស៊ី​ ចំកាត់​។​

​ឆ្លងកាត់​ការ​អភិវឌ្ឍ​និង​កំណើន​ជាង​ 20​ឆ្នាំ​កន្លង​មកនេះ​ ABA​ បាន​ពង្រឹង​ជំហរ​របស់​ខ្លួន​យ៉ាង​រឹង​មាំ​ក្នុង​ទីផ្សារ​ និង​ក្លាយជា​ធនាគារ​មួយ​ក្នុង​ចំណោម​ធនាគារពាណិជ្ជ​កំពូល​ទាំង​បី​ នៅ​ក្នុង​ប្រទេស​។​ សព្វ​ថ្ងៃនេះ​ ABA​ មាន​បម្រើសេវា​ជូន​ដល់​បណ្ដា​អតិថិជន​ជា​ច្រើន​ដូច​ជា​ សហគ្រាស​ធុន​តូច​និង​មធ្យម​,​ អាជីវកម្ម​ខ្នាត​តូច​,​ និង​រូបវន្តបុគ្គល​។​​

​សាខា​ច្រើន​ជាង​70,​ ម៉ាស៊ីន​ស្វ័​យ​សេវា​ជាង​ 200,​ ម៉ាស៊ីន​ ATM​ ជាង​350​ ទូ​ទាំង​ប្រទេស​,​ សេវា​ធនាគារ​អន​ឡាញ​ និង​ធនាគារ​តាម​ទូរស័ព្ទ​ដ៏​ទំនើប​ ធ្វើ​ឲ្យ​ធនាគារ​ ABA​ អាច​បម្រើ​អតិថិជន​បាន​កាន់តែ​ច្រើន​ឡើងៗ​ជាមួយ​សេវា​ហិរញ្ញវត្ថុ​ដ៏​ទំនើប​សម្បូរ​បែប​នេះ​។​​

ធនាគារ ABA គឺជាបុត្រសម្ពន្ធរបស់ធនាគារជាតិកាណាដា (www.nbc.ca) ដែលជា​គ្រឹះស្ថានហិរញ្ញវត្ថុ​មួយ​ ​មានទ្រព្យ​សកម្ម​ជាង​ 209.1 ​ប៊ី​លាន​ដុល្លារ​អា​មេ​រិ​ក​ គិត​ត្រឹម​ថ្ងៃ​ទី​31​ ខែកក្កដា​ ឆ្នាំ​2019​ និង​មាន​បណ្តាញ​ធនាគារ​សម្ពន្ធ​ហិរញ្ញវត្ថុ​នៅ​ទូ​ទាំង​ពិភពលោក​។​ ក្នុង​នាម​ជា​ភាគ​ហ៊ុ​និក​មួយ​របស់​ធនាគារ​ ABA​ តាំងពី​ឆ្នាំ​2014​មក​ ធនាគារជាតិ​កា​ណា​ដា​បាន​ក្លាយជា​គ្រឹះស្ថាន​ហិរញ្ញវត្ថុ​អា​មេ​រិ​ក​ខាងជើង​ទី​មួយ​ ដែល​ឈាន​ជើង​ចូល​វិស័យ​ធនាគារ​នៅ​កម្ពុជា​។​ ​ដោយ​មាន​ស្នាក់​ការ​កណ្តាល​ស្ថិត​នៅ​ទីក្រុង​ម៉ុង​រ៉េ​អាល់​ ធនាគារជាតិ​កា​ណា​ដា​បាន​ពង្រីក​សាខា​នៅ​ស្ទើរតែ​គ្រប់​ខេត្ត​ នៃ​ប្រទេស​ជាមួយនឹង​អតិថិជន​ក្នុង​ដៃ​ 2.5​លាន​នាក់​។​ មូល​ប​ត្រ​របស់​ធនាគារ​ត្រូវ​បាន​ចុះបញ្ជី​នៅ​ក្នុង​ក្រុមហ៊ុន​មូល​ប​ត្រ​ Toronto​ Stock​ Exchange​ (TSX:NA)​។​ នាម​គ្រឹះស្ថាន​ហិរញ្ញវត្ថុ​ធំ​ជាងគេ​លំដាប់​ទី​6​ ក្នុង​ប្រទេស​កា​ណា​ដា​ និង​នាំមុខ​គេ​នៅ​កេ​បិ​ច​ ធនាគារជាតិ​កា​ណា​ដា​ ជា​ជម្រើស​នៃ​បណ្ដា​សហគ្រាស​ធុន​តុ​ច​ និង​មធ្យម​នានា​នៅ​ទីនោះ​។​

​នា​ឆ្នាំ​2017​ ធនាគារ​ ABA​ ទទួល​បាន​ចំណាត់ថ្នាក់​ឥណទាន​រយៈពេល​ខ្លី​ និង​រយៈពេល​វែង​កម្រិត​ ‘B’​ ពី​ភ្នាក់ងារ​វាយតម្លៃ​ឥណទាន Standard & Poor’s (S&P) Global Ratings។ កម្រិត​ឥណទានត្រូវ​បាន​ផ្ដល់​ជា​ថ្មី​ជាមួយ​ទស្សនវិស័យ​ “​វិជ្ជមាន​” ក្នុង​ឆ្នាំ​2018​។

​គ្រឹះស្ថានបោះពុម្ពផ្សាយ​ផ្នែក​ហិរញ្ញវត្ថុ​ដ៏​ល្បីល្បាញ​បំផុត​របស់​ពិភពលោក​ បាន​ទទួលស្គាល់​កិច្ច​ខិតខំ​ប្រឹងប្រែង​របស់​ធនាគារ​ ABA​ ដែល​បាន​នាំ​យក​មក​នូវ​អ្វី​ដែល​ល្អ​បំផុត​ដល់​អតិថិជន​របស់​ខ្លួន​៖

  • ​នៅ​ឆ្នាំ​2014​ និង​2016​ ទស្សនាវដ្តី​ The​ Banker​ បាន​ប្រសិទ្ធិ​នាម​ធនាគារ​ ABA​ ថា​ជា​ធនាគារ​ឆ្នើម​ប្រចាំឆ្នាំ​របស់​កម្ពុជា​។​ ពានរង្វាន់​នេះ​បាន​ទទួលស្គាល់​ពី​ភាពរឹងមាំ​ផ្នែក​ហិរញ្ញវត្ថុ​,​ ការ​បន្ត​នាំ​មក​នូវ​បច្ចេកវិទ្យា​ច្នៃប្រឌិត​ខ្ពស់​,​ និង​ការ​អនុវត្ត​ធុរកិច្ច​គំរូ​។​
  • ​ទស្សនាវដ្តី​ Euromoney​ បាន​ផ្តល់​ឈ្មោះ​ដល់​ធនាគារ​ ABA​ ថា​ជា​ធនាគារ​ឆ្នើម​នៅ​កម្ពុជា​ សម្រាប់​ឆ្នាំ​ 2014,​ 2015,​ 2016,​ 2017,​ 2018​ និង​2019​ ដែល​មាន​សេវាកម្ម​ប្រកបដោយ​គុណភាព​,​ ការ​ច្នៃប្រឌិត​ថ្មីៗ​ និង​កិច្ច​ខិតខំ​ប្រឹងប្រែង​ធ្វើ​ឲ្យ​សេវា​ធនាគារ​កម្ពុជា​ឈាន​ឡើង​។​
  • ​ទស្សនា​វ​ត្តី​ Global​ Finance​ ប្រសិទ្ធ​នាម​ ABA​ ថា​ជា​ធនាគារ​ដែល​លេចធ្លោ​ជាងគេ​នៅ​ក្នុង​ទីផ្សារ​ នៃ​ព្រះរាជាណាចក្រ​កម្ពុជា​ប្រចាំឆ្នាំ​2015,​ 2016,​ 2017,​ 2018​ និង​2019​។​ ពានរង្វាន់​នេះ​ទទួលស្គាល់​ការ​ប្តេជ្ញា​ចិត្ត​របស់​ក្រុមការងារ​នៃ​ធនាគារ​ ABA​ ក្នុង​ការ​ផ្តល់​ជូន​អតិថិជន​របស់​ខ្លួន​នូវ​ផលិតផល​ស្រប​តាម​តម្រូវការ​ និង​ដំណោះស្រាយ​ហិរញ្ញវត្ថុ​ប្រកបដោយ​ភាព​ច្នៃប្រឌិត​។​

​ធនាគារ​ ABA​ - ដៃគូ​ដែល​លោក​អ្នក​ទុកចិត្ត​បំផុត​!​