ABA Mobile app

យើងបានបង្កើតសេវាធនាគារតាមរយៈកម្មវិធីទូរស័ព្ទដៃ ABA Mobile សម្រាប់អតិថិជនដែលមានបំណងចូលទៅប្រើប្រាស់គណនីរបស់ខ្លួន គ្រប់ពេលវេលាទោះបីកំពុងធ្វើដំណើរក្តី។ លោកអ្នកអាចពិនិត្យមើល សមតុល្យរបស់អ្នកភ្លាមៗ អាចបង់ថ្លៃវិក្កយបត្រផ្សេងៗបានយ៉ាងឆាប់រហ័ស

និងអាចប្រើប្រាស់លក្ខណៈពិសេសផ្សេងៗជាច្រើនទៀត។ កម្មវិធីនេះអាចទាញយកបានដោយឥតគិតថ្លៃមានសុវត្ថិភាព និង ងាយស្រួលប្រើប្រាស់ ដូច្នេះ ហេតុអ្វីមិនសាកល្បងប្រើប្រាស់សេវានេះ?

ក្រឡេកមកមើលកម្មវិធី ABA Mobile

វិធីតំឡើងកម្មវិធីABA Mobile

តើទាញយករបៀបណា?

សូមប្រើតំណខាងក្រោម ដើម្បីទាញយកកម្មវិធី ABA Mobile ពី Apple Store ឬ Google Play Store។ បន្ទាប់ពីទាញយករួចហើយ គ្រាន់តែអនុវត្តតាមការណែនាំជាការស្រេច!

  

សាច់ប្រាក់អេឡិចត្រូនិក (E-Cash)

តាមរយៈសេវាសាច់ប្រាក់អេឡិចត្រូនិក (E-Cash) របស់ធនាគារ ABA នៅក្នុងកម្មវិធី ABA Mobile អ្នកអាចផ្ញើប្រាក់ ទៅកាន់កាត ATM ណាមួយ របស់ធនាគារ ABA និងអាចដកប្រាក់ ដោយមិនចាំបាច់ប្រើប្រាស់កាតឡើយ! ទោះបីអ្នកភ្លេចកាត ATM នៅផ្ទះ ឬត្រូវការសាច់ប្រាក់បន្ទាន់ ឬត្រូវការផ្ញើប្រាក់ ទៅកាន់ក្រុមគ្រួសារនៅខេត្តក៏ដោយ អ្នកនៅតែអាចប្រើសេវានេះ 24ម៉ោង!
សូមចុចត្រង់នេះដើម្បីទទួលបានព័ត៌មានបន្ថែម និងដឹងអំពីវិធីប្រើប្រាស់ សេវាសាច់ប្រាក់អេឡិចត្រូនិក (ECash) ។

គុណសម្បត្តិ

តាមរយៈសេវា ABA Mobile អ្នកអាច៖

  • ពិនិត្យសមតុល្យ និងប្រវត្តិប្រតិបត្តិការរបស់អ្នក
  • ទទួលបានការជូនដំណឹងភ្លាមៗនៅពេលមានប្រតិបត្តិការម្តងៗ
  • ផ្ទេរប្រាក់នៅក្នុងគណនីABAរបស់អ្នកបានលឿនដោយពុំចាំបាច់ប្រើប្រាស់លេខកូដតាមសារ SMS ឬ ប្រព័ន្ធផ្តល់លេខកូដសម្ងាត់ (Cryptocalculator)
  • ផ្ញើប្រាក់ទៅកាន់អ្នកណាម្នាក់ហើយឲ្យពួកគេទៅដកពី ABA ATM ណាមួយដោយគ្រាន់តែប្រើលេខកូដ ពុំចាំបាច់ប្រើកាតឡើយ
  • បង់ថ្លៃវិក្កយបត្រផ្សេងៗ (ទូរស័ព្ទ អ៊ីនធឺណិត បង់ទឹកភ្លើង ទូរទស្សន៍ និង សេវាផ្សេងៗទៀត)
  • ស្វែងរកសាខាធនាគារ ABA ឫម៉ាស៊ីន ATM ឬក៏ម៉ាស៊ីនដាក់សាច់ប្រាក់ដែលនៅជិតអ្នកបំផុត ព្រមទាំងសេវាផ្សេងៗជាច្រើនទៀត។

សុវត្ថិភាព

នៅពេលយើងអភិវឌ្ឍសេវានេះ យើងបានចាត់ទុកសុវត្ថិភាព និង ភាពងាយស្រួលរបស់លោកអ្នកជាអាទិភាព។ យើងសូមធ្វើការធានាថា គ្មានព័ត៌មានប្រតិបត្តិការណាមួយ ឫ ព័ត៌មានលំអិតក្នុងគណនីរបស់អ្នក ត្រូវបានរក្សាទុកនៅលើទូរស័ព្ទដៃ ឬស៊ីមកាតឡើយ។ ដូច្នេះទោះបីជាទូរស័ព្ទរបស់អ្នកបាត់ ឬ ត្រូវលួចក៏ដោយ ក៏គណនីធនាគាររបស់អ្នកនៅតែមានសុវត្ថិភាពបំផុតដែរ។ ប៉ុន្តែទន្ទឹមនឹងនេះយើងមិនអាចធានា នូវភាពជាប់លាប់ និង ប្រតិបត្តិការសុវត្ថិភាពឡើយ ចំពោះទូរស័ព្ទដែលបាន rooted ឫក៏ jail broken។

របៀបចុះឈ្មោះចូលប្រើប្រាស់កម្មវិធីនេះ

ជាការងាយស្រួល ប្រសិនបើអ្នកមានកាតណាមួយរបស់ABA ហើយមានលេខទូរស័ព្ទដែលបានចុះ ឈ្មោះជាមួយយើងរួចហើយ លោកអ្នកគ្រាន់តែទាញយកកម្មវិធីនេះចេញពី App Store ក្នុងទូរស័ព្ទដៃហើយធ្វើតាមការណែនាំដើម្បីចាប់ផ្តើមសេវាធនាគារជាមួយ ABA ជាការស្រេច។

លោកអ្នកក៏អាចកាន់ទូរស័ព្ទស្មាតហ្វូន (iPhone ឫ Android ) របស់អ្នកទៅកាន់សាខាណាមួយរបស់ ធនាគារ ABA ដែលនៅជិតអ្នកបំផុតដើម្បីភ្ជាប់សេវានេះបានផងដែរ។ បុគ្គលិករបស់យើងនឹងជួយបង្ហាញអ្នកដើម្បីចុះឈ្មោះដំណើរការសេវានេះ។

រួមជាមួយនឹងភាពងាយស្រួល និងលក្ខណៈពិសេសមួយចំនួន កម្មវិធី ABA Mobile នេះក៏ផ្តល់ជូនអ្នកនូវអត្ថប្រយោជន៍បន្ថែមមួយចំនួនផងដែរ៖

  • មិនគិតថ្លៃសេវា
  • ចូលទៅប្រើប្រាស់គណនីឥតគិតថ្លៃ24/7
  • ពុំចាំបាច់មានកាតពេលដកសាច់ប្រាក់ចេញពីម៉ាស៊ីនATMណាមួយរបស់ABA
  • ងាយស្រួលផ្ទេរប្រាក់រវាងគណនីធនាគារABA

សេវានេះមិនអនុវត្តចំពោះគណនីរួម ឬគណនីក្រុមហ៊ុនឡើយ។

ធនាគារសូមរក្សាសិទ្ធិក្នុងការផ្លាស់ប្តូរលក្ខខណ្ឌនានាដោយពុំចាំបាច់ជូនដំណឹងជាមុនដល់អតិថិជនឡើយ។ ខិតប័ណ្ណនេះរៀបចំឡើងសម្រាប់ជាព័ត៌មានតែប៉ុណ្ណោះ។ 

ព័ត៌មានបន្ថែម សូមទូរស័ព្ទមកកាន់យើងខ្ញុំតាមរយៈ 023 225 333 ឬ អញ្ជើញ មកកាន់សាខាធនាគារ ABA ណាមួយដែលនៅជិតអ្នកបំផុត ឬ ទស្សនាគេហទំព័រ www.ababank.com។

Android OS 3.0 / iOS 7.1 ឬខ្ពស់ជាងនេះអាចដំណើរការបានជាមួយកម្មវិធីរបស់យើង។
ពិតជាចាំបាច់។ ប្រសិនបើគ្មានអ៊ីនធឺណិត  អ្នកនឹងមិនអាចទាញយកកម្មវិធីនេះបានឡើយ ហើយក៏មិនអាចប្រើប្រាស់ប្រតិបត្តិការនានាបានដែរ។
ធនាគារ ABA ផ្តល់ជូនកម្មវិធី Mobile Banking នេះដោយឥតគិតថ្លៃចំពោះអតិថិជនទាំងអស់របស់ខ្លួន។ អ្នកអាចទាញយក និងប្រើប្រាស់កម្មវិធីនេះ ដោយឥតគិតថ្លៃពីធនាគារ។ ស្របពេលជាមួយគ្នានេះ យើងគិតថ្លៃតែទៅលើសេវាជាក់លាក់មួយចំពោះការផ្តល់ឧបករណ៍ផ្តល់លេខកូដសុវត្ថិភាព (Security Token) ដែលធ្វើឲ្យអ្នកកាន់តែមានសុវត្ថិភាពក្នុងការធ្វើប្រតិបត្តិការចេញក្រៅ។ សូមសាកសួរព័ត៌មានលម្អិតបន្ថែមពីបុគ្គលិករបស់យើង។ក្រុមហ៊ុនផ្គត់ផ្គង់សេវាទូរស័ព្ទរបស់អ្នកក៏នឹងគិតថ្លៃសេវាភ្ជាប់អ៊ីនធឺណិតឫសេវាផ្ទេរទិន្នន័យពីអ្នកផងដែរ។ សូមសាកសួរក្រុមហ៊ុនផ្គត់ផ្គង់សេវាទូរស័ព្ទសម្រាប់ព័ត៌មានលម្អិត។
ដើម្បី Login អ្នកត្រូវតែជាអតិថិជនរបស់ធនាគារABA។ ប្រសិនបើអ្នកមានកាត ABA ហើយបានប្រើលេខទូរស័ព្ទរបស់អ្នកដើម្បីចុះឈ្មោះជាមួយយើងនោះ អ្នកអាចគ្រាន់តែទាញយកកម្មវិធីនេះរួចអនុវត្តតាមការណែនាំជាការស្រេច។ប្រសិនជាអ្នកជាអតិថិជនរបស់ធនាគារ ABA តែលោកអ្នកពុំមានកាតនោះទេ គ្រាន់តែយកទូរស័ព្ទដៃ iPhone ឬ Android smartphone របស់អ្នកអញ្ជើញទៅធនាគារ ABAដែលនៅជិតលោកអ្នកបំផុត ដើម្បីចុះឈ្មោះប្រើប្រាស់សេវាកម្មនេះ។ បុគ្គលិករបស់យើងខ្ញុំនឹងណែនាំលោកអ្នកអំពីវិធីចុះឈ្មោះ។
មានហេតុផលពីរដែលអាចកើតមានសម្រាប់អ្នកគឺ:
  1. លេខទូរស័ព្ទដែលអ្នកកំពុងប្រើ មិនមែនជាលេខទូរស័ព្ទដែលអ្នកបានចុះជាមួយធនាគារ ABA កាលពីពេលមុន។ សូមប្រាកដថាអ្នកបានប្រើ លេខទូរស័ព្ទ ដែលអ្នក បានចុះឈ្មោះជាមួយ ធនាគារ ពីមុន។
  2. បណ្តាញប្រព័ន្ធប្រតិបត្តិការរបស់ទូរស័ព្ទអ្នកកំពុងជាប់រវល់។ សូមព្យាយាមដំណើរការម្តងទៀតនៅពេលក្រោយ។
ពិតប្រាកដណាស់ គឺប្រើបានគ្រប់ប្រព័ន្ធ សូមវាយលេខទូរស័ព្ទក្នុងប្រទេសកម្ពុជារបស់អ្នក គឺលេខដែលបានចុះឈ្មោះរួចចំនួនបួនខ្ទង់ចុងក្រោយ។ មិនគិតពីចំនួនលេខវែងឫខ្លីនោះទេ កម្មវិធីនេះ ត្រូវការតែបួនខ្ទង់ចុងក្រោយតែប៉ុណ្ណោះ ។
ប្រាកដជាបាន អ្នកអាចប្រើប្រាស់កម្មវិធីនេះនៅគ្រប់ទីកន្លែងទាំងអស់ដែលមានសេវាអ៊ីនធឺណិត។
បច្ចុប្បន្ន គ្រប់អតិថិជនរបស់ធនាគារ ABA ទាំងអស់ដែលមានគណនីសកម្ម (លើកលែងគណនីបញ្ញើមានកាលកំណត់) អាចប្រើប្រាស់កម្មវិធីនេះបាន។
ទេ ដោយសារបញ្ហាសុវត្ថិភាព អ្នកអាច login ចូលទៅក្នុងគណនីរបស់អ្នកបានតែពីទូរស័ព្ទមួយគត់។
អ្នកអាចគ្រាន់តែបើកកម្មវិធី ABA Mobile នេះឡើងវិញ ហើយផ្ទៀងផ្ទាត់ប្រវត្តិប្រតិបត្តិការរបស់អ្នកដើម្បីពិនិត្យមើលថាតើប្រតិបត្តិការនេះបានអនុវត្តហើយឬនៅ។
ក្នុងករណីដែលអ្នកចង់ប្រើប្រាស់កម្មវិធី ABA Mobile នៅលើទូរស័ព្ទថ្មីរបស់អ្នក អ្នកចាំបាច់ត្រូវ ទាញយកកម្មវិធីនេះឡើងវិញសម្រាប់ដំឡើងនៅក្នុងទូរស័ព្ទថ្មីនេះ។ សូមអនុវត្តតាមការណែនាំអំពីការទាញយកនេះ ហើយបន្តប្រើប្រាស់សេវាធនាគាររបស់អ្នក។ប្រសិនបើអ្នកផ្លាស់ប្តូរលេខទូរស័ព្ទ សូមជូនដំណឹងមកកាន់ធនាគារភ្លាម!
គណនីរបស់អ្នកនៅតែមានសុវត្ថិភាពប្រសិនបើអ្នកបាត់ទូរស័ព្ទរបស់អ្នក ព្រោះអ្នកត្រូវការលេខសម្គាល់ឈ្មោះ (User ID) និងលេខកូដសម្ងាត់ដើម្បីប្រើប្រាស់កម្មវិធីនេះ។ សូមរាយការណ៍មកកាន់ធនាគារភ្លាម ប្រសិនបើអ្នកបាត់ទូរស័ព្ទ ដើម្បីឲ្យយើងអាចផ្អាកដំណើរការការចូលទៅប្រើប្រាស់គណនីរបស់អ្នកដើម្បី រក្សាសុវត្ថិភាព 100%។
ដើម្បីបញ្ឈប់សេវានេះ អ្នកចាំបាច់ត្រូវចុះឈ្មោះឈប់ប្រើប្រាស់សេវា ABA Mobile នេះជាមុនសិន (ឥតគិតថ្លៃ) ហើយបន្ទាប់មកលុបកម្មវិធីនេះចេញពីទូរស័ព្ទរបស់អ្នកជាការស្រេច។