ABA​ ធ្វើ​ជា​ដៃគូ​របស់​ IDP​ ក្នុង​ការ​រៀបចំ​ សន្និបាត​បញ្ញវន្ត​ពិភពលោក​ 2019

28/10/2019

ABA​ becomes​ partner​ 6ABA​ becomes​ partner​ 6
ABA​ becomes​ partner​ 7ABA​ becomes​ partner​ 7
ABA​ becomes​ partner​ 8ABA​ becomes​ partner​ 8
ABA​ becomes​ partner​ 9ABA​ becomes​ partner​ 9
ABA​ becomes​ partner​ 10ABA​ becomes​ partner​ 10

​ដើម្បី​គាំទ្រ​ដល់​ការ​អប់រំ​ និង​ការ​អភិវឌ្ឍ​ការងារ​សម្រាប់​យុវជន​កម្ពុជា​ ធនាគារ​ ABA​ បាន​ចូលរួម​សហការ​ជា​ដៃគូ​ជាមួយ​ IDP​ Education​ (Cambodia)​ ដើម្បី​រៀបចំ​ សន្និបាត​បញ្ញវន្ត​ពិភពលោក​ (GAC)​ លើក​ទី​ 5​ ដែល​បាន​ប្រព្រឹត្ត​ទៅ​នៅ​សណ្ឋាគារ​ Sofitel​ Phokeethra​ ក្នុង​ទីក្រុង​ភ្នំពេញ​ កាលពី​ថ្ងៃទី​ 25​ –​ 26​ ខែតុលា​ ឆ្នាំ​ 2019​។​

សន្និបាត​ GAC​ ឆ្នាំ​នេះ​ បាន​បញ្ចូល​នូវ​ការ​តាំងពិព័រណ៍​ការ​សិក្សា​និង​ការងារ​ និង​ការ​ជួបជុំ​បញ្ញវន្ត​ជា​សាកល​ ក្នុង​គោលបំណង​ដាក់​បង្ហាញ​ពី​ជម្រើស​នៃ​ការ​អប់រំ​លំដាប់​ពិភពលោក​ របស់​ស្ថាប័ន​អប់រំ​អន្តរជាតិ​ជា​ច្រើន​ ជូន​ដល់​សិស្ស​និស្សិត​និង​អ្នកបម្រើ​ការងារ​អាជីព​ ដែល​មាន​បំណង​ចង់​បន្ត​ការ​សិក្សា​របស់​ពួក​គេ​នៅ​ប្រ​​ទេសក្រៅ​។​ អ្នកចូលរួម​បាន​ទទួល​ព័ត៌មាន​ដ៏​មាន​ប្រយោជន៍​យ៉ាងច្រើន​អំពី​កម្មវិធី​សិក្សា​ តម្រូវការ​សម្រាប់​ការ​ដាក់​ពាក្យ​ចូល​រៀន​ ដំណើរការ​ទិដ្ឋាការ​ និង​ជម្រើស​អាហារូបករណ៍​ ដែល​មាន​ផ្តល់​ជូន​នៅ​ស្តង់​សាកលវិទ្យាល័យ​អន្តរជាតិ​ពី​ប្រទេស​ផ្សេងៗ​។​

​បន្ថែម​ពីលើ​នេះ​ទៀត​ សន្និបាត​ GAC​ ក៏​មាន​រៀបចំ​ការ​ពិភាក្សា​ជា​ក្រុម​ពិសេស​ ដែល​មាន​វាគ្មិន​ជា​បញ្ញវន្ត​ជោគជ័យ​ និង​និយោជក​មក​ពី​ក្រុមហ៊ុន​ផ្សេងៗ​ ដើម្បី​ផ្តល់​ព័ត៌មាន​ស៊ីជម្រៅ​ពី​ការ​អភិវឌ្ឍ​ជំនាញ​ ចក្ខុវិស័យ​និង​កា​រៀប​គម្រោង​ការងារ​ ក៏​ដូច​ជា​ជម្រើស​ការងារ​ផ្សេងៗ​។​ ប្រធាន​នាយកដ្ឋាន​ធនធានមនុស្ស​របស់​ធនាគារ​ ABA​ លោកស្រី​ លី វិទ្យា​ ក៏​បាន​ធ្វើ​ជា​វាគ្មិន​ម្នាក់​ក្នុង​ចំណោម​វាគ្មិន​ទាំងអស់​ ដើម្បី​ចែករំលែក​ទស្សនៈ​របស់​លោកស្រី​ អំពី​ជំនាញ​ដែល​ចាំបាច់​នៅ​ក្នុង​ធនាគារ​នា​ពេល​បច្ចុប្បន្ន​និង​អនាគត​ ដល់​អ្នកចូលរួម​ដែល​មាន​ចំណាប់អារម្មណ៍​ចង់​ធ្វើការ​នៅ​វិស័យ​នេះ​ផង​ដែរ​។​

មាន​អ្នកចូលរួម​ជាង​ 2,000​ នាក់​និង​ស្ថាប័ន​អប់រំ​អន្តរជាតិ​ចំនួន​ 70​ បាន​ប្រមូលផ្តុំ​គ្នា​នៅ​សន្និបាត​ GAC​ របស់​ IDP​ Education​ នៅ​ក្នុងឆ្នាំនេះ​។​ IDP​ Education​ បាន​រៀបចំ​សន្និបាត​ GAC​ ឡើងជា​រៀង​រាល់​ឆ្នាំ​ តាំងពី​ឆ្នាំ​ 2015​ មក​ ហើយ​វា​បាន​ក្លាយជា​វេទិកា​ដ៏​មាន​ប្រជាប្រិយភាព​មួយ​ សម្រាប់​ភ្ជាប់​បណ្តាញ​ធុរកិច្ច​ និង​ឱកាស​អប់រំ​កម្រិត​អន្តរជាតិ​ នៅ​ក្នុង​ប្រទេស​កម្ពុជា​។​