ធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួន

22/12/2016

ធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួនធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួន
ធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួនធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួន
ធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួនធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួន
ធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួនធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួន
ធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួនធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួន
ធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួនធនាគារ ABA ប្រារព្ធពិធីអបអរសាទរខួប 20 ឆ្នាំ នៃភាពជោគជ័យរបស់ខ្លួន

​កាលពី​ថ្ងៃ​ទី​17​ ខែធ្នូ​ ឆ្នាំ​2016​ ធនាគារ​ ABA​ បាន​ប្រារព្ធ​ពិធីជប់លៀង​ប្រចាំឆ្នាំ​សម្រាប់​បុគ្គលិក​ របស់​ខ្លួន​នៅ​រាជធានី​ភ្នំពេញ​ ដូចដែល​បាន​ប្រារព្ធ​ជា​រៀង​រាល់​ឆ្នាំ​។​ ឆ្នាំ​នេះ​ផ្ទាល់​មាន​បុគ្គលិក​ច្រើន​ជាង​ 1600​នាក់​ បាន​មក​ពី​សាខា​នានា​ទូ​ទាំង​ប្រទេស​ អញ្ជើញ​ចូលរួម​ក្នុង​កម្មវិធី​ដ៏​ធំ​ជាងគេ​ក្នុងឆ្នាំនេះ​។​​

ពិធីជប់លៀង​ប្រចាំឆ្នាំ​សម្រាប់​បុគ្គលិក​នេះ​ គឺ​តែងតែ​ជួបជុំ​បុគ្គលិក​ធនាគារ​ទាំងអស់​ដើម្បី​បូក​សរុប​លទ្ធផល​ប្រចាំឆ្នាំ​ និង​ផ្តល់​រង្វាន់​លើកទឹកចិត្ត​ជូន​បុគ្គលិក​ក្រុមការងារ​ការ​ប្រកួតប្រជែង​ទេព​កោសល្យ​និង​សាខា​ដែល​មាន​ស្នាដៃ​ឆ្នើម​ជាងគេ​ ក្នុង​បរិយាកាស​កក់ក្តៅ​ ប្រកបដោយ​ភាព​ស្និទ្ធស្នាល​ និង​សប្បាយ​រីករាយ​បំផុត​។​​

ពិធីជប់លៀង​ប្រចាំឆ្នាំ​នេះ​ត្រូវ​បាន​ប្រារព្ធ​ឡើង​ ក្រោម​ខ្លឹមសារ​ “​ 20​ឆ្នាំ​ នៃ​ដំណើរ​ឆ្ពោះទៅ​រក​ភាព​ជោគជ័យ​”​ ដែល​ត្រូវ​នឹង​ខួប​គម្រប់​ទី​20​ របស់​ធនាគារ​ ABA​ ដែល​បាន​បង្កើត​ក្នុង​ឆ្នាំ​1996​។​ ជា​កិច្ច​ចាប់ផ្តើម​នៃ​ការ​បើក​កម្មវិធី​ លោក​ Askhat​ Azhikhanov​ ដែល​ជា​អគ្គនាយក​ប្រតិបត្តិ​របស់​ធនាគារ​ ABA​ បាន​ធ្វើការ​បូក​សរុប​ស​ម្ធិ​ផល​ជោគជ័យ​រយៈពេល​ ពីរ​ទស្សវត្សរ៍​របស់​ធនាគារ​។​ លោក​បាន​មាន​ប្រសាសន៍​ថា​៖​ រយៈពេល​២០​ឆ្នាំ​នេះ​ ធនាគារ​យើង​បាន​រីក​ចម្រើន​ពី​ ធនាគារ​ដែល​មាន​តែ​សាខា​មួយ​ រហូត​ដល់​ក្លាយជា​ធនាគារ​ដែល​ផ្តល់​វិសាល​គម​សេវាកម្ម​ហិរញ្ញវត្ថុ​ មាន​សាខា​និង​បណ្តាញ​ធំ​ជាងគេ​លេខ​រៀង​ទី​3​ ព្រមទាំង​មាន​ម៉ាស៊ីន​ ATM​ ច្រើន​ជាងគេ​ស្ថិត​ក្នុង​ចំណាត់ថ្នាក់​ទី​២​ ទូ​ទាំង​ប្រទេស​កម្ពុជា​។​ បច្ចុប្បន្ន​នេះ​ធនាគារ​ ABA​ បាន​ក្លាយជា​ធនាគារ​មួយ​ក្នុង​ចំណោម​ធនាគារ​ធំៗ​ ទាំង​5​ ក្នុង​ប្រទេស​កម្ពុជា​។​

​លោក​ Azhikhanov​ ក៏​បាន​បង្ហាញ​ពី​ជោគជ័យ​ចំបងៗ​ របស់​ធនាគារ​ ABA​ ប្រចាំឆ្នាំ​2016​ មាន​ដូច​ជា​៖​ ធនាគារជាតិ​កា​ណា​ដា​ បាន​បង្កើន​ភាគ​ទុ​និករ​ហូត​ដល់​ 90​ភាគរយ​ ក្នុង​ភាគហ៊ុន​សរុប​ដែល​បាន​ធ្វើ​ឲ្យ​ធនាគារជាតិ​កា​ណា​ដា​ ក្លាយជា​ភាគ​ទុ​និក​ធំ​បំផុត​របស់​យើង​ ការ​បើក​សាខា​ថ្មី​សរុប​ចំនួន​ 9​សាខា​ កំណើន​ប្រជាប្រិយភាព​របស់​កម្មវិធី​ ABA​ Mobile​ ការ​ទទួល​បានការ​ឧទ្ទេសនាម​ ដ៏​ត្រចះត្រចង់​ពី​ទស្សនាវដ្តី​ហិរញ្ញវត្ថុ​លំដាប់ថ្នាក់​អន្តរជាតិ​កំពូលៗ​ចំនួន​ 3​  ការ​សហ​ការណ៍​ជាមួយ​ក្រុមហ៊ុន​ធានា​រ៉ាប់រង​ជីវិត​ ម៉ែ​ន​ញូ​ឡាយ​ (Manulife)​ ដែល​ជា​ក្រុមហ៊ុន​ឈានមុខ​គេ​ក្នុង​ការ​ផ្តល់​សេវាកម្ម​ធានា​រ៉ាប់រង​ជីវិត​ លំដាប់ថ្នាក់​ពិភពលោក​ ហើយនឹង​ជោគជ័យ​ធំៗ​ មួយ​ចំនួន​ទៀត​។

​​ព្រឹត្តិការណ៍​ដែល​គួរ​ឲ្យ​កត់សម្គាល់​មួយទៀត​ផង​ដែរ​ គឺ​ការ​ផ្តល់​លិខិត​សរសើរ​ជូន​ដល់​បុគ្គលិក​ដែល​បាន​បម្រើ​ការងារ​នៅ​ធនាគារ​ ABA​ តាំងពី​ការ​បង្កើត​ធនាគារ​ដំបូង​ រួម​នឹង​ ការ​ជូន​លិខិត​សរសើរ​ ដល់​បុគ្គលិក​ឆ្នើម​ប្រចាំឆ្នាំ​ និង​ក្រុមការងារ​ឆ្នើម​ប្រចាំឆ្នាំ​ ដែល​បាន​ធ្វើការ​យ៉ាង​សស្រាក់សស្រាំ​ និង​ការ​ប្តេជ្ញា​ចិត្ត​ធ្វើការ​អស់ពី​កម្លាំងកាយ​ និង​ចិត្ត​ រយៈពេល​ពេញ​មួយ​ឆ្នាំ​។​​

បន្ទាប់​មក​ភ្ញៀវ​កិត្តិយស​ទាំងអស់​ បាន​ចូលរួម​សប្បាយ​រីករាយ​ជាមួយ​ កម្មវិធី​កំសាន្ត​នានា​ ដែល​រួម​មានការ​សម្តែង​ របាំ​ស្រមោល​ ការ​ប្រកួត​ទេព​កោសល្យ​របស់​បុគ្គលិក​ ABA​ ការ​ចាប់​រង្វាន់​ផ្សងសំណាង​ ព្រមទាំង​ការ​រាំ​លេង​កម្សាន្ត​ផង​ដែរ​។​